請假遇上打風 老細以「輸打贏要」為由拒絕銷假！原來勞工法例咁講

雖然尼格會逐漸減弱，但其減弱速度仍存在變數。按照最新預測路徑，尼格會在今日稍後非常接近珠江口一帶，於本港以南約150公里以內掠過，屆時本港將由吹偏北風逐漸轉為吹東風，原本受遮蔽的地方可能會變得當風，本港風勢將進一步增強，天文台會考慮在正午12時至下午2時之間發出八號烈風或暴風信號。

打風期間公司拒銷假

回數早前「馬鞍」移近香港期間，有網民在社交平台透露，自己早於一星期前已決定申請有薪年假，老闆亦已批准。但在該個星期初得知，颱風正漸漸接近香港，請假當日更有機會進一步改掛8號風球，於是就向公司提出想銷假，以免浪費一日年假。

但人事部火速拒絕其銷假申請，告知事主：「老細回覆：『唔可以輸打贏要』」，指不可以因為臨時打風而更改放假安排。

唔准銷假有否違法？

事主因為無法臨時銷假，大嘆自己黑仔，只好「硬食」放一日年假，但同時亦質疑公司做法是否違反勞工法例，事件引起一眾網民不同看法：

• 「如果唔係打風日，而係平時普通日子可唔可以銷假？如果得，咁你問吓佢咁佢算唔算係輸打贏要。」
• 「唔比你放假就犯法。」
• 「因為已經approval咗。」
• 「聽日咪最多蝕半晝，人哋下晝狂風暴雨要趕返工，你可以安心在家放埋嗰半日幾爽。」
• 「根據勞工法例，你放邊日年假係公司定，只不過大部公司都會同僱員溝通，畀僱員自己揀。」

勞工法例：不讓僱員放年假可被檢控

根據《勞工法例》，僱員的有薪年假的發放，是由僱主在徵詢僱員後指定放假日期。如果僱主無合理解釋而不讓員工放年假，可被檢控及罰款。

年假的發放

在受僱每滿 12 個月後，僱員須於隨後 12 個月之內放取應得的有薪年假。

年假日期應由僱主在徵詢僱員或其代表後指定。僱主須至少在假期開始的 14 天 前以書面通知僱員年假的日期；如雙方同意，可以較短時間通知。

違例與罰則

僱主如無合理辯解而不讓僱員放年假，可被檢控，一經定罪，最高可被罰款 5 萬元。

僱主不支付年假薪酬給僱員，可被檢控，一經定罪，最高可被罰款 5 萬元。

以上均是勞工法例有關放年假的規定，年假的安排均經由僱主及僱員雙方同意下安排。而事主今次是想注銷已經批准的年假，理論上，也是需要在雙方同意之下才會成功更改安排。

延伸閱讀：職場新人見工、HR無睇學歷 感慨公開試成績表變廢紙：大家點樣耍走親戚？

延伸閱讀：30歲港女「安妮亞」上身 慣用第三人稱溝通扮可愛：老闆、男同事居然受落？