為做空姐港不惜貼錢返工 港女招聘面試慘被即場DQ：想喺朋友面前威返次
廣告
航業界對空姐的需求隨著「0+3」推出顯著上升，旅遊行業即時谷底反彈，仲有不少相關行業招聘人手，吸引新人入行。有網民分享自己的求職經歷，原先信心十足去應徵，點知公司唔肯請！究竟點解呢？
為做空姐果斷辭職 惟面試被DQ
網民分享她在航空公司招聘日面試空姐的經歷，自信滿滿一定會成功錄取，怎料被DQ：
「小妹今日去咗航空公司嘅招聘日interview，講真我對人工幾多都已經唔抱期望，但求佢哋請我已經還神。仲有如果我入到去做的話，肯定可以同屋企人朋友威返次…點知對方到最後都唔肯請…」
網民明言不追求豐厚人工，只求可以入職，加入航空業，但最後食白果，仲自爆「自己坐定粒六」，早已向舊公司請辭，今次面試失敗，認真頭痛！
「…重有如果我入到去做的話，肯定可以同屋企人朋友威返次
亦因為咁試過即場同個interviewer講話如果我入到嚟做，就算免費甚至倒貼自己積蓄都冇所謂…
唉都唔知呢世做錯咩，明明已經唔要求高人工，咁都唔肯俾我試下…係都要對我趕盡殺絕真係好無言！
有時真係懷疑自己究竟係咪同間公司有仇，係都要趕絕到我呢個地步，
而家搞成咁都唔知點同屋企人朋友交代！
最慘係原本以為自己坐定粒六可以做到某航空員工先向舊公司劈炮唔撈…
又po晒上fb ig同大家報喜，而家搞到兩頭唔到岸都唔知點算好！」
網民：貼錢做空姐見到都驚！
網民分享了她的慘痛經歷，吸引其他網民留言，齊齊分析她的失敗原因：
- 「講到倒貼，真係本身請都變唔請。」
- 「點解投稿人會覺得航空公司一定請佢，仲要辭咗舊工先去應徵？」
- 「依家社會真係越嚟越多人唔正常…」
- 「如果我in人聽到佢話貼錢都做。呢個人一定唔會請。因為正常人係唔會貼錢番工。請左一定有手尾長。」
- 「錯在太有自信！」
- 「請左返緊工都可以炒，有時d野未穩定晒都唔可以高調。」
未成功受聘已高調報喜 抹殺後路
亦有網民提到即使自知招聘機會高，也好應該保持低調，因為尚未正式成為新公司員工，都會有變數。（想轉工嘅打工仔要識做呢！）
- 「樓主憑乜嘢甘有自信，「坐定粒六」人地一定請呢？一日未返工，一日都可以唔要你。」
- 「請咗返緊工都可以炒，有時啲野未穩定晒都唔可以高調。」
- 「有啲公司真係會，佢可以話cut head count，可以講「轉左老細，決定唔請人」，好多理由。」
- 「我試過去見一份工，in果時話請我，到最後咪冇回覆，最搞笑係2年後打俾我，問我有冇興趣去做另一個POST。」
或者網民一片丹心想投身航空業，但在面試表現唐突，就被DQ了！面試有咩基本技巧？
可參考以下教學：10大面試扣分位 太有自信都唔得？
圖片來源：政府新聞處、unsplash@Mimi Thian、unsplash@cikedondong、unsplash@alschim
