打工仔奴性OT：同事做完嘢唔走，我準時走就有問題？人哋外國相反㗎！

OT文化根深柢固 網民：搞到準時走有問題咁

上星期一篇《老闆要求新人等同事做完先收工》，吸引網民分享各自經歷過的OT文化，直言「香港好多公司好怪！」

• （準時收工）又唔係偷唔係搶，撞到老闆講句拜拜，老闆都冇野架，係有啲同事自己唔鍾意咁早走之麻。
• 我試過笫一天上班，上手同事收工，我打算同佢一齊走，怎知卻被要求我一人留下，刻意搵一D嘢我做！
• 遇着啲「公司是我家」嘅上司，佢唔放工全部無得走
• 其實常常OT代表工作效率過低，如果成間公司都係咁嘅文化，即係代表公司生產力低，只能用壓窄員工嘅方式去生存
• 當年我fresh grad入咗間公司，老細叫我坐多陣睇吓有冇同事需要幫手…

公司成日OT？原來係員工主動OT

除了公司、上司要求OT，都有不少網民發現是員工自己主動OT，香港打工仔奴性大發！

• OT文化好深，好多同事明明做完嘢都唔走，唔知磨乜，搞到準時走好似有問題咁
• 有時公司有大project大家齊心OT冇問題，為OT而OT嗰啲文化真係嘥氣
• 我以前個經理朝9晚9，都未捨得走。佢比老闆話過㗎，不過死性不改。說穿了只是沒有家庭溫暖，自己係獨家村。
• 有D人冇OT錢都照OT嫁，仲要任勞任怨，真係唔知點解！

員工主動OT 公司不用補錢？

有網民分享外國打工經驗，第一日返工遲走兩分鐘，就被上司提醒，原來係以下原因！

網民A：係英國返工第一日4點32分先走，唸住搞埋d手尾，遲左兩分鐘收工，臨尾執下張枱。點知第二日個經理4點3走來同我講今日要準時收工，唔好再遲放工
網民B：加班係要計penalty rate 㗎。唔好成日OT，如果唔係盤數好難睇！

另外亦有網民分享，《僱傭條例》中是沒有提及加班、補錢這一項，只有提及如果員工在休息日工作的處理方法：

強制在休息日工作的情況

(1)除第(2)款另有規定外，僱主不得要求僱員在休息日工作。
(2)如因機器或工廠設備故障，或因其他不能預見的任何緊急事故而有此需要，僱主可要求僱員在休息日工作。
老闆急call返公司，都係合法！
(3)僱主若根據第(2)款要求僱員在休息日工作，須在該日之後48小時內通知該僱員作為代替該休息日的另一休息日的日期，該另一休息日須定於原本指定的休息日之後30天內。
老闆要求休息日加班，一定要有補假！

自願在休息日工作的情況

(1)僱員可自行提出請求並在其僱主同意下，在休息日為該僱主工作。
(2)僱員可應其僱主的請求，在休息日為該僱主工作。

如果工作狂好鍾意返工，相信就算無補假都會好樂意！但要記住如果返工返到影響社交生活，少少時間都無留畀家人、朋友，你嘅生活就會好單調，做咗機械人、奴隸獸㗎啦！

延伸閱讀：八卦同事鍾意問私事 查家宅未算最離譜：「你係咪處女」可以點回佢？

延伸閱讀：打工仔嘆人工低過中位數「無出息」 網民扯火：你慘？我40歲先搵$14,700咋！