散水餅送M&M、嘉頓什餅未算誇張被「炒魷」應否派散水餅？網民：原來被炒都要多謝人？

社會熱話

Oct 21 2020

新冠肺炎疫情的出現，各行各業大受影響，部分企業甚至裁員。對打工仔來說，離職前最麻煩的莫過於是派散水餅的問題，派又煩，唔派又煩。更有人話，派散水餅是一門學問。早前，有網民於討論區發文，討論被「炒魷魚」應否派散水餅，以及曾經收過最廉價的散水餅。

撰文：經一編輯部｜圖片：Unsplash、Wikipedia Common

事實上，派發散水餅是香港的職場文化，原本的用意是答謝同事的照顧。不過近年，散水餅卻漸漸失去原意，甚至會被同事比較散水餅的的價格，派得普通分分鐘會被認為Cheap。如果不派散水餅，又會有同事認為不體面。

早前，有網友於連登討論區開post，討論被解僱的話應否派發散水餅。以下，《經一》為讀者整理網民對派散水餅的意見。

被「炒魷魚」派唔派散水餅？

不是每個人離職時都能夠好聚好散，尤其被裁員，打工仔離職未必是個人意願。這種情況下，有網民以「被炒⋯派唔派散水餅」為題，收集意見，惟網民反應兩極。

有網民回覆樓主，表示就算被「炒魷魚」，派散水餅是一種好來好去的表現。有網民分享自己的經歷

「我會選擇照派，始於返工老細有俾機會我學嘢，唔派對老細唔住。」

甚至有網民稱散水餅是「唔慳得」，指「上一份工做咗三日，俾人叫即刻執嘢走，執完也都嗱嗱林落去買西餅派，呢樣嘢唔慳得」。更有網民誇張地指：

「我試用期嗰三個月日日帶定一打西餅番工，萬一做錯野俾人炒都唔會冇餅派咁失禮。」

不過有網民表示，派散水餅應該視乎行業職位，以及與同事的相熟程度。有人留言指：「有機會再返去做就派下say個bye，好憎班人就算啦，反正過兩個星期無人再記得你。」

「重點應該係你仲想唔想保持同同事嘅關係，如果日後有機會再見嘅話可以照派嘅。」

又有人表示如果該公司內的人脈十分重要，未來會繼續聯絡的話，就應該派散水餅。

雖然有網民認同派散水餅是有禮貌的表現，卻有打工仔認為被「炒魷魚」，無必要派散水餅。有人回覆樓主，表達憤怒：

「原來被炒都要多謝人，唔爭在同老細講：好多謝你炒我呀，我覺得被你炒真係我嘅榮譽。」

「如果同啲同事關係好加正常Resign咁我覺得派都合理，個老細咁玩我一鑊，條氣真係好唔順。」

其實，派不派散水餅是打工仔的個人決定。有網友指出，並不會有人在乎散水餅，更強調「你走咗，人地轉個頭已經唔記得你啦」。有人更直指：

「你就算派咗又如何？唔會因為你舊餅對你印象改觀。不如慳番用嚟搵工。話唔定指你出嚟果個係同事，令你冇咗份工。」

有網民亦笑言，「年年咁多人出出入，唔派反而仲多人記得。」

對於應否派散水餅，網民的意見兩極。不過，散水餅有市有價，買得廉價，分分鐘會被同事議論。在論壇上，亦有網民分享收過最廉價的散水餅。

有網民分享，實習last day向公司同事派散水餅，卻意外被人撞爛，最後有同事幫他用筷子將那些西餅「整番靚少少」。該名網友表示，他最終「面都紅埋」，照樣向同事派發「撞爛咗嘅散水餅」。

不想買西餅當散水餅？有網民表示，自己曾經將一大包餅拆開，向同事派發一袋獨立包裝的餅仔，亦有人將「嘉頓什餅」派給同事。

有人指自己試過派M&M，每人分幾粒當散水餅。甚至曾經收過「一人一粒魚仔餅」，有人留言回覆，質疑送一粒魚仔餅是「小學畢業散水」。

有網民指，最廉價的散水餅莫過於是蛋撻，因為價格便宜；當然有人反駁，指「你以為而家蛋撻好平」。

不少留言的網民表示，派散水餅並非「老奉」。有人指，自己向來都不會派散水餅，因為散水餅的價格高，分分鐘是一日人工：

「送一送搵間好好睇睇，十幾廿人嗰到成幾舊水，白做一日。」

又有網民表示，同相熟的同事食飯已經夠，無必要向每位同事派散水餅。