周潤發自嘲蟻民狠批政府防疫政策 揶揄張建宗：喺街食飯乞兒咁 有冇諗過市民？
原文刊於（獲授權轉載）：東方新地
一星期跑足七日 透過運動抗疫
周潤發有自己一套抗疫方法，接受訪問時表示自己天天都會做運動，一星期跑足七日，每晚9點便會上床休息，生活非常有規律。
他每天一大清早便會外出跑步，跑完便會回家，有時候會買些食物才回家，要做到盡量少外出。由於疫情嚴重，他亦建議大家一定要盡量戴口罩。
周潤發：「我日日都要跑，比之前再fit啲係要嘅，到其時冇好嘅身體點去拍戲呀？不過唔好畀自己太大壓力，我喺東壩出嚟都係行吓跑吓，好好享受做運動。」
除了戴口罩，他亦提到市民必須勤洗手和注意衞生，回到家要做足所有消毒程序。由於病毒主要攻擊人類的心肺功能，他認為大家最重要是要多做帶氧運動，即使留在家都要嘗試慢跑。
張建宗呼籲市民到郊野公園用餐 發哥幽默回應
在疫情下，發哥亦只能堅持跑山，平日的活動包括外出用餐和買菜都受到影響。他指現時食肆只可以坐兩個人一起進食，認為是避無可避，但困在家又會抑鬱，所以他選擇盡量去人少的地方。
就張建宗呼籲市民到郊野公園用餐，發哥幽默回應：
「去郊野地方囉！咁張建宗都叫我哋食嘢要去郊野公園食㗎嘛！我買個飯盒跑完喺郊野公園食埋先走囉！」
批政府防疫政策 心痛勞動階層
周潤發對政府的防疫措施亦甚有意見，對於早前政府曾實施全日禁堂食，他反應更大，認為政府沒有為市民著想，當時所有勞動階層在街吃飯好像乞丐。
周潤發：「梗係慘啦！你睇嗰兩日所有勞動階層喺街度好似乞兒咁，政府話唔好意思，但諗時有冇諗過市民？過咗就算喇！疫情始終會過，大家都係要見步行步，小心為上，有傳等到11月就有疫苗嘛！我好期待呀！頂埋呢個幾月啦！」
被問到醫療床位不足，之前亦發生過亂放肺炎測試樣本一事，他則很體諒醫護人員，認為他們工作量大，十分辛苦。
他回應：「掉亂都係一單啫！班醫護都好辛苦啦大佬，醫療中心崩潰咁滯，日日百幾宗呀！」
慨嘆香港「仲慘過大蕭條」 自嘲蟻民無權提出意見
周潤發雖然已是國際級名人，但他仍非常愛錫香港，對於香港遇到現時的經濟及生活困境，他表現得十分心痛。他認為最前線餐飲業已經受到很大打擊，更形容香港現時「慘過大蕭條」。他希望大家在困境下仍能樂觀面對，咬緊牙關，最重要是大家都身體健康。
周潤發：「唔好講我哋呢行受到咩影響，最前線做餐飲業嗰啲已經死晒，全香港都死晒，仲慘過大蕭條，80年代經濟起飛儲埋儲埋嗰啲都一鑊清晒袋。我哋一定要打贏佢，唔怕！香港係福地嚟嘅！一定會過到個疫情，大家畀啲心機，畀啲忍耐。」
被問到對本港防疫措施的建議，他表示大家只是一般蟻民，不能做些甚麼，只能聽從指示，政府吩咐他做甚麼便做甚麼。
他回應：「呢啲政策嘅嘢等政府自己諗喇！我哋只係一般蟻民，做到啲咩啫？我都係聽指令咋嘛！佢叫我做咩我咪做咩囉！」
