29歲售貨員 中五學歷靠儲蓄投資 終成百萬富翁｜龔成

撰文：龔成｜ 圖片：新傳媒資料室
我18歲中五畢業之後即係09年，第一份工做telesales 月入平均大約3萬左右，當時做咗大約4年。雖然收入還可以，但工時太長、工作太大壓力，加上未出過去，所以好想試下創業。
雖然當時收入幾好，但理財觀念麻麻地，所以4年加埋都只係儲咗30萬咗右，之後就試過開小食店，但好快就做唔住，大約一年咗右就已經又要重頭黎過，之後又試過走水貨，但都搵朝唔得晚。後來想穩定落黎，唔想再走黎走去，就搵咗份馬會cs 當時大約係16年，人工大約只有13,000元左右。雖然人工少，但佢有樣好，就係假期多，因為錢唔多。

趁假期看書學習投資

所以多數時間都係留係屋企睇下書咁，就係當時遇到你嘅《財務自由行》，呢本書令我好似打通咗任督二脈，令我對財務知識嘅追求，前所未有咁強。雖然我後來都睇咗好多理財書，但《財務自由行》絕對係打開呢道門嘅鎖鑰，後來我再將呢本書推介咗比當時兩位馬會同事。
之後我地三個仲一齊不斷向呢條路研究，我地三個都叫你本《財務自由行》做聖經，呢段時間都足足維持咗兩年。後來，我地三個約定咗係財務自由嘅終點見面，跟住就一齊辭職，因為我地所擅長嘅野唔同，所以我地要暫時分開，再喺終點見面。
之後我就做返我擅長嘅sales，但今次返去，我覺得自己同以前好有分別，以前唔明白公司點解要咁做，但因為早兩、三年有學睇年報，開始明白公司嘅出發點。雖然學睇年報過程都係好辛苦，但比起以前多咗份體諒 所以股票賺唔賺錢，賺幾多錢，對我黎講未必係最重要，重要嘅係佢改變咗我對事物嘅睇法。

龔Sir，因為我記得你曾經講過100萬唔係好多。但係係最重要嘅第一步，呢一步我到達咗，我純粹體驗到唔係好多呢句野，但你話係最重要嘅第一步，就唔係好明，因為嚟緊我都煩惱緊，點做好。
當然會keep住現在嘅步伐，但係投資方面有冇咩建議，我的資產比例現時維持70%股票、20%現金、5%黃金、5%保險，買樓又未必夠錢。現在持有希慎興業（00014）、吉利汽車（00175）、港交所（00388)、領展（00823）、建設銀行（00939）、福壽園（01448）、中國交通建設（01800）、金沙（01928）、Ｆ三星原油期（03175）。

希望可以請教下龔Sir，感謝。

 個案重點

• 29歲
• 持有20萬元現金

讀者投資狀況

龔成老師分析

你已在正確的道路之上，成功累積第一個100萬這一步好重要！
第一，證明你之前的努力有成績，同時方法正確，你要保持進方向前進。
第二，你已經有一定的本金，你之後憑「錢搵錢」令財富增長的力度會更強，你要進一步加強投資能力。
第一個100萬內儲蓄的成份較高，第二、三個，以及之後的財富，就要看你的投資能力。現時你持有的，基本上都是有質素的股票，可以長期持有。下一步你要做的是保持現金累積，以及更進一步提高投資知識，可以加大潛力股比例的投資。現時你現金的比例都算合適，但不要心急增加股票，應該在這段時間，尋找一些有潛力的股票，等跌市時進行投資。

建行、中交建增長力不強。而Ｆ三星原油期風險較高，小注好了。

延伸閱讀：年過半百月入只得16,000 冇物業冇資產 仍可靠月供股票創被動收入準備退休？｜龔成

延伸閱讀：中產失業分分鐘慘過窮人？不用工作仍有收入才是真「有錢人」｜龔成

免責聲明：本專頁刊載的所有投資分析技巧，只可作參考用途。市場瞬息萬變，讀者在作出投資決定前理應審慎，並主動掌握市場最新狀況。若不幸招致任何損失，概與本刊及相關作者無關。而本集團旗下網站或社交平台的網誌內容及觀點，僅屬筆者個人意見，與新傳媒立場無關。本集團旗下網站對因上述人士張貼之資訊內容所帶來之損失或損害概不負責。