「林鄭由10蚊變仙股！」陶傑批中央死要面撐林鄭 變相助蔡英文大勝仲冇面：決策不符常人邏輯｜經一拆局
撰文：SmartED編輯部｜ 圖片：新傳媒編輯室
批中國政府為面子拱手送上「香港牌」
陶傑在談到美國總統大選形勢、台灣大選、中美貿易協議時，被問到美國打「香港牌」的見解。一貫不諱言的陶傑劈頭就說，一切在於中國能為面子「輸到幾盡」。他道，若中國政府早於6月讓特首林鄭月娥體面落台，並撤回逃犯修訂條例，美國早就不能打「香港牌」：「打掌都打唔響。」
港局勢助蔡英文大勝：咁你話，有冇面？
「有時上面嘅決策，就真係唔合正常人嘅邏輯。」
他指中國為面子的堅持，最終影響台灣總統選舉，香港的局勢猶如間接為民進黨蔡英文助選：「要面就谷住林鄭，結果（社會運動）搞咗7個月之後，果然林鄭同蔡英文助選，蔡英文大勝，你扶植嗰個韓國瑜輸晒。跟住得到60幾個國家（以及國際組織）畀賀電蔡英文。咁你話，有冇面？」他又反問，中國在台灣大選失掉的面子不是林鄭落台更嚴重嗎？他慨嘆：「有時上面嘅決策，就真係唔合正常人嘅邏輯。」
撐林鄭如持股票死不離場 終於10蚊變仙股
陶傑形容，中央死撐林鄭猶如手持股票，明知會大跌仍死不離場：「嘩，你都知10蚊必定跌一毫，咁你8蚊個時仲唔走？你唔係唔知㗎喎，但係覺得我走咗之後冇面喎。結果8蚊變6蚊，6蚊變6毫，而家咪變仙股。」他以商人做生意的邏輯批評中央：「止蝕就梗係離場！」
未來數日將陸續推出更多陶傑專訪，分享其心水愛股、對中國香港政經局勢看法、美國總統大選對美股的影響等話題，密切留意《經濟一週》網頁。
更多陶傑專訪：假如我是蔡英文？陶傑豪言：我一上台主動跟全部邦交國斷交！台灣寧要民主 無本事賺中國錢
更多經一拆局的精彩專訪：
