【多圖】清貧女學生被騙徒呃錢又呃心　網民：邊有咁多馬會黑卡會員

有事主稱，見到呢啲賭博貼士嘅資料，佢地講到自己九成會中，如果俾錯料仲可以退錢；又強調戶口有齊個人資料，絕對唔會「走數」！點知最後唔單止走數，連人都走埋！

個「乜哥」最初聲稱$500本金入會就得，之後又話要$1,000。點知再傾傾下，又話$6,000一個月，$8,500永久。

事主明明話本來已經問得好清楚，$500係玩一個星期，「乜哥」睇黎似坐地起價喎。清貧女學生覺得自己受騙，就要求退錢，仲俾埋銀行戶口號碼俾「乜哥」，叫佢盡快入返錢。

相信大家都估到之後事情發展！「乜哥」當然係潛咗水。

當清貧女學生等得唔耐煩，聲稱要報警處理，「乜哥」竟然要俾咗兩個ok手勢。

清貧女學生追咗成個月忽然收到一場「貼士」稱「500一場計劃已完結」，之後就影都冇。

賭博本身已經係旁門左道，更可況貼士，真係有馬會一早收檔喇。大家都係努力腳踏實地好過。記住：越努力，越幸運！