33歲小婦人 賣樓套500萬做短炒 每月交租近3萬 想40歲財務自由

撰文：龔成｜圖片：粵語長片《審死官》劇照

早兩年賣左樓，賣咗樓之後大概有500萬現金，現在跟屋企人租緊樓，全家五人，爸爸媽媽啱啱退休，我同老公同細佬做嘢

大家都係搵萬幾蚊，每個月租金$29500.。

屋企人覺得都係買返樓好啲，自己都有買下股票，手上持有美團（03690）、3993、6969、6618、291，都係短炒為主，因為都想幫補租金。

每年要供三份合共大約120,000保險，3年前供的，包括一份基金（$50000每年），基金已經供咗3年可以隨時停供

一份儲蓄（$50000每年）另外一份危疾（$26000每年），想你俾啲意見我，啲錢點樣可以運用同埋投資得好啲？

希望40歲達致財務自由

龔成老師 分析

你地首先要決定，是否買翻買，如果買樓，就要預留部分資金，然後餘下投資增值。

如果唔買樓，就可全部用作增值。

如果現時完全無物業，我會傾向買基本的自住樓，但就作高成數按，餘下資金投資增值。

如果想40歲財務自由，你可以投資

平穩增長股：潛力股 ＝7：3

（如果你投資實力較強，可增加潛力股比例）

好好利用7年時間，去進行財富增值，利用股票投資。現時現金，計好多少會買樓，餘下的「可長線投資金」，現時已可分注買入（當然要有一定的現金留低）。

另外，唔好再短炒。至於現時持有的其他理財產品，都可以繼續進行。