調查發現企業多請臨時工 IT好難搵長工
在面臨技能短缺但仍要在競爭中脫穎而出的壓力下，香港CIO日漸趨向聘用合約制IT員工來幫助提高業績，同時保持正式員工的人數。由專才招聘公司Robert Half委託進行的一項最新獨立研究發現，絶大多數(94%)香港CIO正計劃於未來12個月內增加公司的合約制IT員工，這將為IT人才帶來更多機遇。
- 94%香港CIO正計劃於未來12個月內增加公司的臨時IT員工人數，平均增幅17%。
- 合約制IT員工需求最大的領域包括：軟件/應用程式開發(48%)、數據/數據庫管理(33%) 及數碼化(32%)。
- 聘請臨時專業人員的主要原因包括：成本效益(61%)、難以找到具備所需技能的正式員工(56%)以及增加彈性(48%)。
Robert Half香港執行總裁Adam Johnston指出：「雖然香港正面對著IT技能短缺的情況，但現時香港機構招聘IT部門員工的方式卻出現了變化。業界需求和瞬息萬變的亞洲職場，正在推動IT領導者結合正式和臨時IT員工來處理長期的日常營運需求以及未來的項目，令臨時員工成為了工作團隊內不可或缺的一環。」
臨時員工為企業帶來的好處
經濟誘因是企業聘請臨時員工主要的因素，因61%的CIO表示因成本效益會在未來12個月內增加臨時員工人數，其後是難以物色具有所需IT技能的正式員工(56%)。48%受訪CIO指出的另一項主要因素是可提高彈性同時不會對員工人數造成壓力。此外，41%表示合約制員工的招聘程序較快捷。有趣的是，只有8%表示主要原因是缺乏聘請正式員工的財務資源，反映企業聘請臨時員工並非純粹出於經濟方面的考慮。
「在一個因為日益欠缺熟練IT人才而迅速變化的市場中，CIO可以通過招聘各個職級的合約制IT員工以接觸更多的科技人才。香港僱主可以透過不斷變化的正式和臨時專業人員組合來平衡員工人數，從而利用更宏觀的員工聘請方式來獲得全年所需的人才技能，並且在全天候滿足其機構的日常營運需求時仍能夠維持彈性。」
Adam Johnston最後總結：「雖然本港IT界聘用臨時員工的情況有所增加，但許多能夠勝任IT合約工作的本地專業人員對接受這類崗位卻有所顧慮，因為他們以往慣於以正式員工的方式受僱。然而，臨時工作不僅讓他們接觸到多種不同的新技能，所帶來的寶貴經驗還可令其履歷變得更豐富。另一方面，很多時臨時工作也會變為正式職位。在臨時職位中的表現，是專業人員爭取正式職位的主要機會，因為僱主已經親身了解到他們的長處，包括工作方式和性格。」
IT行業雖然吃香，但箇中有不少苦況。以下個案便為一例。
我想借個地方吐吓自己做咗幾年IT人嘅苦水。我哋同行之間大家都好清楚，行外人個個叫我哋做IT狗，我哋惟有將佢理解為做到隻狗咁嘅意思，因為我哋咩都要做，好大壓力，但又被視為最低價值。
1. 萬能KEY
雖然叫做資訊科技支援部門，但大部分同事都只睇到「支援部門」四隻大字，電腦有問題搵IT、影印機JAM紙搵IT、FAX機唔識用搵IT、電掣無電到搵IT、電視有雪花搵IT、連門口個密碼鎖有問題都走嚟搵IT，好似永遠都分唔清咩嘢畀IT做、咩嘢畀Admin做咁。
2. 積勞成N疾
內地有句咁嘅說話形容IT人嘅工時情況：「上班比雞還早，幹活比驢還多，下班比『小姐』還晚。」講到明IT人，讀書嗰陣已經成日對住部電腦，到返工就梗係對住部電腦更長時間，加上宜家連智能電話都IT範圍，所以係連搭車都要望實個MON，結果眼鏡變成IT人嘅特徵，仲長期眼乾。又再加上成日坐喺度硬晒軚咁對住部電腦，郁都唔郁，一年復一年後好易有三高問題甚至係頸椎、腰骨嘅毛病。
除咗生理病，我哋工時長而且乜都要做，又成日驚畀人炒，搞到好多同行都有壓力過大嘅問題，失眠就碎料，大鑊啲仲患上抑鬱等等心理病，簡直係用生命嚟換雞碎咁多錢。
3. 美貌受損
近視愈嚟愈深，鏡片愈嚟愈厚，眼球愈嚟愈凸。
壓力得加無減，用腦過多無得放鬆，頭髮都有甩無生，地中海不斷淹沒鄰近地區……
有人話好仔唔做IT，好女又唔吼IT，同行又無乜IT女，無女士為我哋增添打扮嘅動力，令情況更加…… 唉不要再說了。
4. 後浪如海嘯
科技嘅嘢日新月異，每年嘅新人都係帶住最新嘅知識嚟，令我哋班老鬼收工都不得不去進修吓，永遠唔知要讀到何年何月先可以穩保個飯碗。
如果你係老鬼睇住啲新人入嚟，佢哋都可能會俾返幾分薄面你尊重吓你，但如果掉返轉做咗幾年先嚟轉工，班後生除咗同你有代溝，仲往往都睇你唔起，以為你係盲字都唔識多隻嘅活化石，嗰種心理落差唔係人人都頂得住，所以IT人一安定咗就好少轉工，寧願畀人壓價。
5. 專業被輕視
都係嗰句，科技嘅嘢日新月異。除咗基本知識，上年考返嚟嘅cert可能今年已經無乜用。但作為IT人，你一定會好珍惜自己過往考返嚟嘅每一張cert，因為每一張都係用青春、汗水、心血、頭髮、視力換返嚟，得你同你嘅同行知道你嗰一張cert嘅意義係幾咁深、考到有幾咁巴閉。亦只有IT老鬼先知道十幾年前嘅一張Computer Science學位證書係需要AL幾個A嘅人一齊爭崩頭再捱過三年無數嘅通宵先換到返嚟嘅成果。
但宜家街上一地都係CS嘅Degree、Asso、HD，令成個社會對IT嘅眼光已經唔同晒，好少人識得尊重我哋嗰疊血汗成果，特別係宜家喺職場橫行霸道黑口黑面偉論多多嘅HR。佢哋簡單一句「呢啲唔洗俾我睇」就足以令你心中怒火焚燒七七四十九日。
6. 缺乏薪金議價力
又係因為嗰句科技日新月異，每年都有新人入行，每個新人都可以取替你嘅工作，公司好似可以奉旨唔加人工俾你，一有咩事就炒咗你請過個價廉物美嘅Fresh grad。有位朋友年約30，仲渣住個CS嘅碩士，一樣做到隻狗咁，但係只換來20K左右嘅人工。又有位朋友30中後嘅朋友，賣命咗10幾年，都只係得26K。
之前大陸手機公司XX炒咗班幫佢哋打咗10幾年工，年齡34歲以上嘅程式員，嗰篇報導話：「30多歲的程式員不能熬夜，失去激情，30多歲的程式員成本太高，性價比太低。」
唔好以為商場上只有佢咁諗，事實係得佢一個咁老實講出口，大部分奸商都賤視IT人，如果唔係點解一有咩事都係搵IT開刀先啫？
所以呢，好仔除咗唔當差，亦唔好當IT狗……
