【多圖】買樓揀山景定海景？網民貼圖大曬冷！不過兩樣有齊都未必好 有種景觀認真麻麻
廣告
香港人買樓鍾意望海，有海景的樓通常都會叫價較高，但亦有人喜歡山景景觀，日前，有網民在討論區詢問網民取態，隨即引起熱烈討論，兩者難分高下，有人更貪心到山同海都要！一眾網民亦紛紛貼靚圖「曬命」，但當中有一款有山有海的景觀卻遭網民嫌棄。
撰文：經一編輯部｜ 圖片：香港討論區
近日，有網民以「買樓 山景 VS 海景」為題，在香港討論區發文，指不明白為何很多人買樓一定要揀海景，他自己反而更喜歡山景，認為「打風落雨冇咁應棍」，好天時天空藍色，山翠綠色，加上橙黃色陽光，比一大片藍色更好看。
海景派網民：唔好自己呃自己
帖文一出，海景派的網民紛紛貼圖力撐海景：
- 「唔好自己呃自己啦，一定係海景優先。」
- 「山海都緊要，不過我鍾意海多啲。」
- 「香港好多地方都可以見到山景，反而海景小很多，也容易被遮住。所以真海景真的好難得。維港海景特別珍貴因為日夜都靚。」
- 「山景夜晚黑麻麻，日頭冷冷清清，唔啱我。」
山景派網民：山景代表有靠山
但亦有真心喜歡山景的網民出言力撐樓主：
- 「我鍾意山景多啲，老老實實。」
- 「可以放眼望遠山景，好正，個人心境會頓時靜落嚟。」
- 「山景代表有靠山、所以好多有錢佬都住係山上面。」
- 「我隔離望正全海景，向西北，打風落雨好應下，夏天西斜都有入屋，我山景少海景，還可。」
有心水清的網民就認為若果負擔得起，一定是有山有水最好：
- 「識揀一定揀背山面海。」
- 「why not both? 有山有水最好。」
- 「最好近處有山有草景… 遠處有海景…」
呢種景網民Say No
不過，有時有山有海甚至賣到好貴，都未必人人喜歡，以下這張圖就令一眾網民耍手擰頭：
- 「其實呢種海景我覺得吾靚囉，太多船啦～」
- 「我都唔鍾意呢啲船景，好雜亂，唔靚囉。」
- 「景太亂放鬆吾到心情。」
