東九睇樓團 驚現蝕讓盤
東九睇樓團 驚現蝕讓盤
同學Ａ： 「最近啲樓升到顛，睇怕都唔會有筍盤啦！」
代理： 「唔係喎，見係你哋咋，帶你哋睇幾個筍嘢！」
筆者： 「有幾筍先？」
代理： 「四、五年前買樓，你覺得應該升幾多？」
同學Ｂ： 「少則兩、三成，多則超過五成。」
代理： 「嚟緊睇兩個盤，蝕讓！」
同學Ｃ： 「吓？！唔係化？市區、大屋苑都蝕？」
代理： 「就係！」
同學Ａ： 「係咪銀主盤、凶宅嗰啲？」
代理： 「點敢介紹呢啲俾你哋呀？」
筆者： 「唔係個個業主咁有實力嘅，可能呢個等錢洗呢。」
代理： 「內地業主，做好大生意架！」
同學Ｂ： 「咁點解蝕讓呢？」
代理： 「佢見買咗幾年都冇乜升過，咪放咗佢返大陸買樓囉。」
同學Ｃ： 「我仲以為有實力嘅業主，實會死揸唔放添。」
代理： 「持貨力強，唔代表要等嘅，有更好機會就走架啦。」
筆者： 「啱！投資睇將來，邊度有錢賺，就應該去邊度。」
這次睇樓團我們到東九龍，其中一組睇了一個半新盤，其中一個單位，高層靚景，三房大單位，業主幾年前買的時候大約1380萬，放盤1300萬收票，有興趣仲有得傾，計埋手續費蝕一成，另一個兩房單位，當年業主接近800萬買，賬面平手都走，蝕手續費，代理說都是內地業主放盤，同學說有幾點啟發…
一）大市升到顛，不代表所有樓都升到顛，不代表冇筍盤！
受到辣招扭曲，現時市場成交極少，在僅有的成交中，代理、傳媒又會積極發掘個別熱炒的樓盤，例如新樓、大型屋苑、細價上車盤等的高價成交，夠Hot嘛！然而市場上有一些板塊，過去幾年其實升幅不多，甚至有些劈價、蝕讓的個案，因為唔Hot，所以擺响床下底冇機會見天日。普通市民、新手，被升升升的報導洗腦，自然不會察覺，然而只要細心分析、細心搵，建立好自己的人脈網絡，就能買到低水盤。當然，市旺會比較少，但不代表冇。至於那些板塊特別多筍盤，有機會再跟大家分享。
二）有實力業主、內地業主，有的是錢，但不代表會死揸唔放！
從投資角度來說，賺少了，就是蝕了！
換轉是你，如果你買的樓長期跑輸，預期未來仍會跑輸，慢車…
現在擺在你面前，有其他投資機會，會賺多好多，快車…
你會轉車嗎？…正常情況下是應該要轉車的！
就正如買股票，買錯一隻長期跑輸的，與其死揸，倒不如套現換馬買隻當炒升得快的，這才是投資之道。不過由於辣招扭曲，最要命的是15% 印花稅，令到市場上絕大部份的投資者，賣咗買唔番，無法轉車，令市場供應急跌，出現價升量跌的惡性循環。
很多朋友說，內地人很有錢，會不問價的買，買了又不會放。
當然內地很多富豪，買樓求心頭好，的確會如此。
太古城上月最新放盤叫價是多少？
太古城上月最新放盤叫價大約…各區樓市買賣詳情請看。
九龍區有哪些大型屋苑放盤呎價最低？
九龍區不少受歡迎的大型屋苑呎價對比上月都有回落…各區樓市買賣詳情請看。
