【理財有道】投委會提準新人7貼士 為結婚置業做好打算
廣告
準新人部署結婚、擺酒、置業、生兒……開支多多，二人製作預算難免有分歧，而疫情影響下，更可能推遲相關計劃，更添考驗。投委會列出7個婚禮慳錢及部署置業貼士，以便準新人籌謀，包括利用投委會預算工具。
就準備婚禮，投委會建議準新人可使用會方的「婚禮支出預算表」，從而有系統地控制婚禮中各樣開支，亦可用作估算不同項目花費和記錄實際開支。婚宴安排上，除應盡早預約擺酒場地，應留意加席、加位、加酒水等額外費用細節。婚禮及婚宴開支所費不菲，準新人不妨留意信用卡儲分計劃，以從中賺取里數或積分，「補貼」密月旅行或新居入伙電器以慳一筆。
受疫情影響，社交距離措施或影響新人大日子，投委會提醒準新人「落訂」前問清楚改期附加費及後續安排，免失預算。
置業方面，投委會指，買樓開支較為繁雜，包括律師費、裝修費等，租樓則一般由業主負擔維修、差餉等費用，建議準新人做好開支預算。置業同樣是人生大事，準新人須計算工作穩定性及全年總收入，若收入不穩定，最好預留一筆款項，例如相等於6個月的按揭供款額，免失業或轉工面臨斷供等。
資料來源：AM730
