股票玩得耐不再慳錢 網民：「5秒鐘贏到嘅錢 做咩要慳？」玩股票後的3個變化

撰文：經一編輯部 ｜ 圖片：unsplash

有網民在網上討論區「連登」以「發覺玩股票玩得耐開始唔識慳錢」為題發帖，指：「有時啲野一千幾百諗都唔諗就會買，心諗我5秒鐘都輸咗既錢做咩要慳。」

截至今天，帖文引來1,250個正評，反映不少股民也面類似的情況。有人指現在花完錢，很快就可以從股票市場上賺回來，「之前千幾一件外套，千幾一個袋，抽左3隻新股，賺返了。」

玩股票後的三個變化

有回覆分析自己玩股後的心路歷程：

1. 唔會再OT：O咗3粒鐘，一股AAPL都買唔起
2. 食野食豪咗(少少)：贏咗幾皮野，唔係食貴十蚊獎勵下自己吓話
3. 睇野豁達咗：呀叔我一晚輸半年糧都試過啦 呢啲野求其啦

一開市輸4皮野 沒有感覺

有人反而指自己比以前慳錢，原因是可以多儲一點本金，讓自己可以再買更多貨，甚至買東西前反而會想：如果不買，可以買幾少貨。

「買對鞋可以夠買一股台積電 都係慳返」

「覺得如果用以前買Armani 西裝同勞力士的錢買Tesla Tencent，應該回報更多」

部分人則認為平常的開支仍然會「左諗右諗」，反而股票上的贏輸開始沒有太大感覺，直指「凍飲兩蚊我都要諗，輸幾萬個陣反而輕鬆」，「出街過時過節食餐好d買件衫幾舊水都要左諗右諗，股票戶口贏輸幾萬無乜感覺」

有人也指出，看待金錢的態度已經不同：

「會用格數黎睇價錢，買牛熊100蚊格，5格10格嘅野考慮咁多黎做乜？」

有回覆不認同樓主的說法，指「請你繼續放任你的消費，香港經濟靠你了」。甚至有人認為，「好心咪教壞人，錢使左跟住輸番，輸仲多呀」

免責聲明：本專頁刊載的所有投資分析技巧，只可作參考用途。市場瞬息萬變，讀者在作出投資決定前理應審慎，並主動掌握市場最新狀況。若不幸招致任何損失，概與本刊及相關作者無關。而本集團旗下網站或社交平台的網誌內容及觀點，僅屬筆者個人意見，與新傳媒立場無關。本集團旗下網站對因上述人士張貼之資訊內容所帶來之損失或損害概不負責。