沒有最落後 只有更落後?網民盤點「落後」公司 仲用緊14吋方形大牛龜電腦Mon、Windows 2000都未係最誇張?
撰文:經一編輯部|圖片:Unsplash、Wikipedia Common
早前,有網民於連登討論區發帖,以「做過最落後嘅公司係點」為題,表示自己曾做過一間公司,電話沒有來電顯示的功能,「同事打嚟會係綠色燈,街外人打嚟係紅色燈,冇得留voice message」。不僅如此,每個月出糧HR要「行過嚟」派糧單,電腦屏幕仍是傳統14吋的正方形mon。
此帖一出,引起廣大網民熱烈討論。不少人繼而分享於「落後」公司打工的奇聞。以下,《經一》為讀者整理網友所分享的8大最落後公司的情況,排名不分先後。
8大「最落後」公司的情況
1. Hard Copy 糧單
每逢來到月底,打工仔最期待出糧的時間,不少公司已經轉用電子形式發放糧單。但有不少網民回應樓主指,公司仍用紙本的糧單,每個月HR都會到各樓層,向每個同事派發糧單。
有網民發問,好奇「無知一問正常係點?」。有巴打回覆指,「正常應該係有個HRIS system ,上個system download 返嗰個月嘅pay slip」。有不少網民反映,現時有許多大型機構仍用Hard Copy糧單。
2. 14吋正方形的電腦屏幕
來到2020年,大部分的電腦Mon已經改成「長方形」設計,正方形14吋的舊式電腦Mon逐漸被取代及淘汰。不過,有網民回覆樓主表示,自己的公司仍然沿用14吋正方形電腦屏幕,部分更細至12吋。亦網民甚至表示,公司正用「舊正方形大mon,試用版 Windows」。正用這種屏幕的網民大呻「睇得好辛苦」。
3. Windows 2000
相信打工仔對Windows系統並不陌生。來到2020年,Windows系統已經升級至Windows 10,但有不少網民表示,自己公司仍使用20年前的舊版本「Windows 2000」,有網民笑言「開機要幾耐?」。事實上,除了使用「Windows 2000」系統,有網民表示公司仍使用2001年推出的「Windows XP」
「一半機仲用緊Windows XP,成層十幾部電腦得1部有MS Office(有2個文員)」。
4. 辦公枱有20年歷史
不知道打工仔有無研究過,自己公司的辦公枱有多少年歷史?有網友分享,自己正使用的辦公枱用鐵造,應該有二十多年歷史,甚至笑言可以放入歷史博物館。除此之外,有網友亦分享,「舊公司係日資,我坐嗰張木枱只少有30年歷史,枱面仲有塊玻璃嗰隻」。除了木枱、鐵枱,有網友表示,上述「算得啲咩」,他表示早前公司更換辦公室的凳,發現「櫈底張label寫住1996年」。
5. 無Email
對打工仔來說,公司email十分重要。不過有網友指,自己做過一些公司,「落後」到連email都沒有。
有網友分享:「冇公司mail server,全公司人共用同一個yahoo mail,仲要對家冇fax機先會用email」、「電腦無得上網,send個email都要叫唯一有得上網嘅同事send」。
此外,有網友亦指全公司同事用同一個email,彷如「全天候監控」。
6. 無水機
以為公司有茶水間、水機是必然?大錯特錯。有網民反映,自己公司無水機,要煲水才有水飲,「個呀姐一朝就沖10壺出黎灘凍,一個朝早都冇哂啦」。有網民笑言「飲90度滾水」、「啱啱煲滾最少要半個鐘先叫正常溫度」。更有網民直指「我試過公司直情連水都冇添啦」。不過有網民卻質疑,「無水好似犯法?」。
7. 有打字機
在六、七十年代,打字機是辦公室內常見的設備,但自從有電腦、鍵盤的設備出現,打字機漸漸被淘汰。但有網民表示,自己的辦公室仍有打字機,十分落後。有網民分享自己的經歷
「做入單文書嘢,有一日我話我唔做喇,老細話我走咗無人識用電腦,之後拎咗個打字機出嚟……」
甚至有網民指offcie仍用打字機做「出入口證」。不過有網民卻質疑,指「呢個年代仲有打字機好難相信wor」。
8. 所有文件要有Hard copy 手寫簽到
隨著科技發展,不少程序都改成電子化,例如用電子拍卡系統紀錄打工仔的上下班時間等等。但有網民表示,自己的公司十分「落後」,所有文件、申請都要有hard copy。例如,「手寫緊帳簿」、「全公司用同一張紙每日自己寫返工收工時間」、「返工同收工打卡嗰陣係用簿仔幫人入資料」等。
甚至有網民表示,「email睇完都要印出嚟filing返上去,啲人著衫好老套,而家仲會見到男人皮帶扣住個call機腰包」,大呻公司老餅。但亦有網民表示,這種做法才好,每份文件、email簽名後,再傳給下個人,其他同事就不能有藉口,稱自己沒有收到email。