入手筍盤拆解 如何劈業主62%接貨︳諗sir專欄

筆者團隊代表買家購入一個馬鞍山泓碧一房單位，以372萬元簽約，並且只收取買家佣金。
筆者可以理解，傳媒不清楚成交內情，純粹將報道焦點放在公開數字，指出一手新樓業主賣樓輸了62%，利用「新樓輸死人」字眼吸睛。
先說與2021年相比，樓價雖然下跌了，但與2024年9月相比，這半年樓價有所上升。
有人問：「為何這間泓碧單位，可以鋤價鋤得那麼深？」

業主急還債

首先，睇樓人士指出，當天雖然有租客幫手開門，但對業主態度不太客氣，一反常態，說有人急用錢所以要賣樓，是甚麼原因讀者可以估一下。
另外，雖然很多經紀都知有此平價盤，但為何那麼多經紀都找客人去看，而最終僅筆者團隊做到成交?

因為有人賣樓想去解決財務問題，然而不懂計算用甚麼價錢賣出，才是夠找街數，故此需要諮詢得按揭、財務、破產事例等專家意見，才能令成交進行。
不少經紀指出，近整季業主已呈弱勢，當然筆者團隊也做足功課，幫買家傾個靚價，兼且提出要有保障性條款，幫買家順利完成交易。
炒樓講就容易，要明白業主們都懂得上網尋找成交資料，想對方心甘情願平賣樓給你，自己都要功夫夠才接得住。
信得過的律師、經紀，不要揀經驗淺者，試問賣家在鋪天蓋地報道下知自己平賣，究竟會點行下一步呢？
這些就要賣開筍盤的地產經紀幫手讀心和部署，才可提高大賺機率。

撈筍盤靠人脈經驗

說回業主當年決定在泓碧買一房單位，也有考究地方。
去過泓碧睇樓，也明白主打大單位，獨立屋從烏溪沙遙望大埔觀音景，去睇樓的客都準備買大單位的，相對在此屋苑揀細單位投資顯得格格不入。
筆者認為，買樓講功力，撈筍盤就要靠人脈及經驗。