香港玩具節 必玩必睇你要知
廣告
來到香港玩具節2015，緊係要睇全港首屆TOMICA車展啦，有啲仲要係日本官方空運到香港嘅珍藏。全場仲有超過30個攤位，小編首選一定係呢間本地模型場景店喇，今次首次推售消防局及警署場景，仲可以配合3D打印技術，將自己縮小變成模型，可以揸番架TOMICA車仔周圍去。
負責人話，佢地所有野都同香港有關，例如交通燈、香港情景、垃圾筒、全部香港路牌都係關於香港。今次推出一套九架香港情懷車仔，仲有香港第一個及唯一一個香港消防局及警署模型呀。
無論80後定90後都鍾意玩嘅四驅車，呢度都有。會場仲有個鬥快比賽，設有冠亞季軍，可以得到不同的獎品。另外，有攤位推出每日限量特別版鐵人17，仲有大人小朋友都鍾意嘅美少女戰士，身為FANS就萬勿錯過喇。
記住要即場入埋T CLUB會員，可以八折購買場內TOMICA車展區內指定產品，以及選購香港小巴會場限定版套裝。
