NOTE 7真身曝光主打六大賣點

社會熱話

Aug 3 2016

昨日三星於美國舉行產品發佈會，傳聞中的Samsung Note 7 終於現真身！新機將於8月19日在指定地區開賣，未知香港是否首賣地區，但有傳8月17日會在香港開發佈會。根據美國及英國的發售價，Note 7的售價將介乎港幣$5800至$6500之間。

撰文︰Jackie

今次由Note 5直接跳到Note 7，規格上同傳聞中有九成相似，機身就有4個顏色，分別有黑、銀、金以及新加的珊瑚藍色，另外還有六大賣點，最主打賣點有虹膜辨識解鎖。

虹膜辨識解鎖

Samsung Galaxy Note 7 最主打賣點，是新增支援虹膜辨識。虹膜辨識操作簡單，將電話電話放在自己前面就可以掃描。因為採用紅外線技術，在低光源的環境下都可以正常使用。另外，虹膜辨識解鎖可解鎖整部手機，或只解鎖部分加密文件，亦可以用於網上銀行服務。

兩面曲芒設計

Samsung Galaxy Note 7 與 S7 Edge 外形似到十足，而 Note 7 不叫Edge，因為今次只有兩面曲芒設計的版本。

兩邊曲芒的 Note 7 會不會易爆MON？今次 Note 7 用了 Gorilla Glass 5強化玻璃，在1.6米高跌落粗糙地面，有80%機會唔爛，加上 AL 7000 航太級鋁合金打造邊框，照咁睇，應該無咁容易爆MON。

另外，Note 7 採用 5.7 吋 2K 屏幕，繼續採用佢地最引以為傲嘅 Super AMOLED 屏幕，仲支援HDR影片，令影像色彩更鮮艷。

防水功能水中都用到S Pen

今次是三星首次推出防水功能的Note，Note 7 採用IP68 無蓋防水設計，同 S7防水功能一樣，S Pen嘅功能亦有升級，落雨嘅時候都用到，係水中由機身抽出及使用一樣無問題，更能製作GIF動畫及即時翻譯標示的文字。

Dual Pixel 1,200萬像素相機

Note 7 主相機加入了 Dual Pixel 對焦系統，不只可在一般光源下更快對焦，在低光源下的對焦也會比一般手機相機更快。同S7一樣用1,200 萬像素主相機，以及500萬像素前相機，兩者的最大光圈都係 F1.7，由像素尺吋至光圈大少都係領先對手。

重置microSD卡支援

硬件方面，Note 7 採用雙卡雙待，內置4GB RAM，64GB ROM。上次Note 5沒有了mirco SD支援，不少用家有微言，今次Note 7可再度使用microSD擴充容量，最高支援額外256GB，不過用咗microSD記憶卡就用唔到sim 2卡槽。

使用USB Type-C介面

電池容量3500mAh，Note 7 將有降解像度功能，可以唔駛全開 2K 解像度，咁就省電好多。另外，Note 7捨棄傳統microUSB接頭，支援傳輸速度更快、毋須考慮插頭方向的USBType-C，亦會支援Gear VR。這是三星首度使用USB Type-C的手機。

伸延閱讀︰

NOTE 7真身曝光 主打六大賣點