Investlahk X 經濟一週專欄 – 港美股大市分析

「後市恆指呢幾日初現強勢，下週都會先尊重，嘗試反覆向上渣，搏17450破，懶人計劃係16950愛，16650分手，盈虧比大概1.5R，如果你無時間炒又計好數的話，可以直接參考做，不過我自己就會渣住呢個想法，然後用日內方法去炒上落，搏更加高的盈虧比，同埋以免再次中7月搏見底的伏」

大方向上如果無錯，無論是短線日內部署，還是參照以上的懶人計劃，相信大家在港股上都會有不錯的回報。

而現時恆指已上試17500，首先需戴頭盔地說，假如港股係熊市反彈，17500應該要行人止步，唔會再穿呢個位，事關5月回調至今，港股都係弱，所以我絕對唔會今日17500先同大家講去搏見底，就算要做，都至少等下週發展出新的set up再跟進；

然而萬一，港股真係見底，再上的合理目標是幾多？現時HSI 4小時圖技術上就係頭肩底，如順利突破，量度目標起碼都18000，唸下都興奮；所以千期唔好太興奮，點都要留意埋個風水比率618，17670阻力，量度目標永遠只是一個參考 & 合理期望。鑑於恆指以往就算係升，都可以充滿波折咁升，所以都只能夠大膽假設小心求證。

另外，反而想加多個懶人計劃，17200-16500是明顯的平行通道，而關鍵的上升發力點是16920，假如想賭恆指今次會上望18000，那麼就可考慮回撤17300樓下，16920分手，18000結婚。

2.美股方面，繼續上升，得益於就業數據繼續減低經濟衰退的預期，而令市場的風險胃納增加；合理假設如後市公佈的數據再是同一種利好的節奏，9月應該就不會如先前市場估計般減息0.5，而是減0.25，疊加現時通脹算是回穩，而聯儲局減息適度放水的話，對市場而言應是最好的蜜月期（假設通脹及失業率都受控）

這個蜜月我認為並非無堅不摧，只要經濟數據一差，減息預期大增，個市就會chok，chok到直至市場對經濟衰退有一個完整定論先會結束這種波動；不過，點解市場會從幾週前減息預期大增，到依家大減？可能都同美國總統大選的民調有關，上月前我們就特朗普效應仔細分析過各資產的走勢，當中說到如果最終民主黨當選，美金美債反而係會橫行偏強，而如果共和黨當選，就會調轉。

對美股中長線而言，自己陰謀論地猜想有了今次狼來了的故事，估計由於有參與撈底的人並不多，那麼美股破頂後的下次真調整，講緊是10%個隻，肯定會有不少人認為會無事，而如果成個market都係咁唸，咁個一次好可能就會是終結整個牛市的一次，所以下次都不能夠掉以輕心。

3.而技術上，美股呢轉直落直上，如果想再介入，可以等佢整固一下，鑑於上年11月個轉，美股所謂的整固都未必一定會探到好低比你上車，但無論如何，至少都一定會再次靠近20天線，屆時可以vcp的形式去介入，止損擺前底，搏佢破頂即可（而個股其實都可以用類似concept，例如meta nflx，今個禮拜watchlist都會幫大家篩選幾隻）

4.黃金方面，如昨日所規劃，回到2435就反彈超過$30，不過必須講依家黃金唔算係好好做，因為大波幅，如果無把握機會係區間的底部渣上，依家談到上中軸又可能會回，所以假如無部署，建議等佢破頂先追，到時止損再擺最近期的阻力去做。

5.BTC其實幾鍾意佢個走勢，事關如果美股真係進入上述的蜜月期，或最少美股會破頂的話，咁BTC除非有重大利淡消息，基本面的改變，否則最終追落後升的概率都係高，所以我覺得一係等後市美股進入整固時，而佢會到56000樓下，就用48300防守渣上，plan B就係等佢大力升穿60000再跟進吧。