廖孖記結業 黃傑龍稱做生意要講誠信 「絕對冇可能靜靜雞換咗唔話俾人聽」

據Jay在節目中解釋，產出「生腐乳」的時候會衍生出濃酸水，但隨着30年前本港的排污條例收緊，廖孖記即使購入過淡化器，都無法將該批濃酸水變回清水再排走。故最終決定放棄在香港生產白腐乳，改為從供應商入貨，並表示對方也是香港人，是做腐乳的行家，只是在內地設廠。

至於被問到腐乳在內地哪個地方出產，他則說「不想透露」。但他認為，做腐乳有許多後期步驟，如「養腐乳」、「養汁」等，都在香港的工廠房進行，「我仍認為都係香港出產」，認為並沒隱瞞大眾。「我覺得對得住我爺爺，同客人講，我地盡咗力做。要怪就怪我。」訪問後見記者時又表示，「知道嚟到我呢代可能成為歷史，多謝大家」。他多次向食安中心致歉。而在見記者時亦鞠躬，並向市民一大一大。

叙福樓主席兼行政總裁黃傑龍於社交媒體發文回應事件，他憶起17年前接手叙福樓時，「當時只係得五間基本上係蝕本嘅屋村酒樓」經營方式也算相當傳統，特別是所有點心和上湯，都是每日由師傅新鮮現場製作。

黃傑龍作為改革者，留意到行業開始出現「中央工場」，買現成點心、包裝上湯，故接見了一位包裝上湯的供應商，豈料因此被父親嚴厲斥責，並禁止該供應商再踏入酒樓：「試吓都唔准，行入嚟門口都唔准，俾人見到佢行入嚟人哋都以為我哋用呢啲咁嘅嘢！」

黃傑龍稱此事令他印象深刻，亦從父親身教中學懂了「貨真價實」的重要性，強調「有啲嘢係會貴啲成本，有啲嘢係比較效率低，但係更加重要嘅係保留某一啲價值觀」。他亦坦言，一直堅持人手做不代表生意好，所以後來所有敘福樓結業，「但係到結業之前最後嗰一日，我哋所有點心、上湯都仲係現場做」。

他又提到廖孖記腐乳非自家製的情況：「如果30年前某一個生產腐乳重要過程已經變咗唔係自己做，咁之後你啲宣傳、訪問、點可以繼續講返真嘅一樣現場做？如果因為某啲社會嘅原因或者法例嘅原因某一種工序已經唔可以再喺香港造，只能夠坦誠同消費者講，係唔係繼續買係消費者嘅決定。」他強調，事件與是否老字號無關，所有商業活動都要誠信行先。

他又以旗下新開的「挽肉與米」作例子，指「如果有一天，我哋變成喺深圳搵一啲現成嘅漢堡扒嚟賣，為咗控制成本，我都一定事先會同大家講，絕對冇可能詐詐諦諦、靜靜雞換咗唔話俾人聽，繼續收人咁多錢。當然，我亦都冇咁蠢會走去咁樣做，因為我爸爸17年前已經好認真咁教咗我做生意講誠信呢個終極道理」。