港男被安排4人座後被經理批霸道:唔怪得個個北上
香港冰室食客2人獲分4人枱 經理屈霸道 港男:港人北上食嘢係有原因
事主被安排4人座後經理指責:你一個人坐咁多位
事緣早前事主在下午茶時段,到小西灣的冰室與友人吃飯,當時他帶着一個大紙箱,侍應於是安排2人坐4人枱。但當經理注意到紙箱放在座位上,便指出「你放個箱喺個位度,陣間有人黎你要拎走喎,你一個人坐咁多位」。這番話讓事主感到不滿,他回應道:「我2個人喎,況且係你哋職員叫我坐呢度,而家你又話我有問題」。儘管如此,經理仍堅持他的立場表示:「咁你依張4人枱,所以都會同你講聲!」,令到事主感到極度不滿,並在網上發文訴苦。
![香港冰室 2人坐4人枱 事主當日帶一個紙箱箱入店(圖片來源:FB@中伏飲食報料區)](https://imgs.gotrip.hk/wp-content/uploads/2024/05/442399190_471131115384043_536194036460735372_n_1263017785664c1db639a3b-768x1024_1719953412664d7c50c1d9c.jpeg)
經理死撐令事主更不滿:係咁話我有問題
該事主認為經理應該承認錯誤,而不是繼續指責顧客。「其實錯咗咪認囉,撐撐撐,撐乜啫……你已經知道你話錯我,但都要繼續將責任推落我度,係咁話我有問題」。他表示,雖然他之前也曾多次光顧這家冰室,並且對職員的態度感到滿意,但這次的經歷讓他深感失望。「唔怪得間舖咁靜,每次啲職員都好好,今次真係好有問題」。最後事主又稱:「畀錢買難受咩?所以真係唔怪得香港人走唒囉!」
網民意見兩極:你都幾玻璃心
這篇帖文在社交媒體上引起了廣泛的討論,不少網民建議他應該「起身走人」,以示抗議。「你窒返佢你間舖會滿座再講囉」。然而,也有網民認為樓主反應過度,認為他應該更加理解和包容。「你話每次去這間啲職員都好好,而只係叫你有人嚟搭枱就要將啲嘢拎走,又唔係要你即刻拎走,就可以有啲咁嘅結論,你都幾玻璃心」。
其他網民留言:
- 「講一聲陣間有人嚟個箱放返落地好合理。茶餐廳要搭枱好正常。你窒返佢你間舖會滿座再講囉。」
- 「啲連鎖茶餐廳,做嚟做去都過班人,個腦仲停留自由行好旺嘅年代。」
- 「佢意思應該係如要搭枱就拎開個箱,無咩問題 。」
- 「其實樓主第一句答好啊,咁咪冇晒事囉,就算你兩人坐四人位,多人都要搬走個箱㗎啦。」