港航官網買機票都有騙案?港人收客服電話要求補錢 疑遇騙案最後咁收科
港人於香港航空官網買機票 事後竟收電話稱「要補錢」?
事主發文指自己收到香港航空的客戶服務電話,指他早前買的4月來回機票需要額外補付HKD300,問他「方唔方便畀錢」。事主當刻感到奇怪,明明機票是在官網訂購,何來「畀唔足錢」。
![0](https://imgs.gotrip.hk/wp-content/uploads/2024/03/ffp-earn-hx_151839016065f29abf5cf6d.jpg)
對方解釋指「可能係系統計稅到問題」,若不補錢則會影響行程。但事主一口拒絕,認為自己當初付款是因為認同官網上顯示的價錢,若然要補錢,「香港航空應該比另一個option我,全數退款取消,我用第二間公司」。而他在網上查證時,又確定對方的電話號碼是官方客服。
![0](https://imgs.gotrip.hk/wp-content/uploads/2024/03/WhatsApp-Image-2024-03-14-at-14.37.20_128548446265f29b346f793.jpeg)
網民:一定係騙案啦!
不過現時香港的電話詐騙問題嚴重,因為網民指即使電話號碼一樣,依然有機會是騙案,因「你點知係真?而家有公司可以整個假電話號碼嚟扮打俾你」、「真係冇過係官網買都會出現呢啲事」、「如果因為咁而佢提出要cancel contract, 佢要賠錢添啦」、「你應該叫佢出Email,電話可以假,Email複雜啲」;而比較多人評論的是這間航空公司,認為「唔會再選擇」,指「我12月買HX 5月機票,到而家3月已經收到佢幾次mail同sms話班機改時間,每次改遲5-10分鐘,人都癲」、「我都係!買5月關西,第一次改15分鐘,第二次到港時間改5分鐘」。
事件結果令人匪夷所思
事主後來再補充,指當日下午HX再次致電給他解釋,指當時網頁顯示為正確機票價錢,但付款時有bug,因而少收了$320。即網頁顯示機票為$9784.5,但就只收了$9464.5。後來對方再解釋是公司系統問題,不會追收差價,亦不會影響客人行程,惟事主認為一開始客服釋得不清楚而引起誤會。編輯就事件向香港航空作查詢,確認事件的真實性以及如何辨別客服身份等事宜,惟截稿前未有回應。