樓市專家Ken Sir沽擎天半島實蝕170萬!網民問賣樓動機:個個都知咩事吧…
Ken Sir呂宇健賣樓套現
資料顯示,呂宇健於2020年向戴德梁行主管陶汝鴻購入擎天半島單位,當時買入價為1,880萬元,前業主持貨10年大賺805萬;不過,呂宇健是次沽貨則帳面蝕約60萬元,連雜費開支實蝕約170萬元。
呂宇健於社交平台發表分析:「啱啱沽咗層擎天半島,呢個單位係我三年前買入,當時銀行估價2400萬元,我以1880萬元成交,低水足足520萬元,三年後今日銀行估價已經由高位跌咗20幾%,即係話我當日買入時嘅20幾%低水已經完全蒸發,而我今日沽出嘅成交價,已經比銀行估價高水一成,帳面仍比我三年前嘅成交價低水60萬元。」
Ken Sir重申,過去三年收到的租金已遠高於60萬元,基本上可以全身而退(可能輸咗些少手續費),「呢個係物業投資者應有嘅態度,明明100元嘅嘢,用70幾元買入,好市時就110元賣出,市差就70幾元賣出,保護本金係非常重要」,有網民留言問Ken Sir為何賣樓,Ken Sir直言「個個都知咩事吧」。
呂宇健身為香港中小型業主會創辦人,近年一直在業主會以「Ken Sir」舉辦各種物業股票投資講座,聲稱可以教授無樓人士、中產零首期買樓等;他曾表示「樓市一定跌」、「現價仲要跌多四成」等言論。
免責聲明:本專頁刊載的所有投資分析技巧,只可作參考用途。市場瞬息萬變,讀者在作出投資決定前理應審慎,並主動掌握市場最新狀況。若不幸招致任何損失,概與本刊及相關作者無關。而本集團旗下網站或社交平台的網誌內容及觀點,僅屬筆者個人意見,與新傳媒立場無關。本集團旗下網站對因上述人士張貼之資訊內容所帶來之損失或損害概不負責。