教育理念唔值錢 陳慧琳阿Sa母校被殺原來係為咗咁……｜凍鏈茶專欄

明嘅，收生人數大減，收入大不如前，加上香港咁敏感嘅環境，教育已經唔再係一盤好好做嘅生意。不如好似當年咁搞地產好過。

話說玫瑰崗學校旁邊有個「名人屋苑」玫塊新邨，業主包括已故「賭王」何鴻燊二太藍瓊纓、前政務司司長陳方安生等。呢幅地皮當年同樣係由而家玫塊崗學校所屬嘅教會道明會持有，本來係一所修道院。1962年，多位已故地產界同埋金融界大哥

，包括楊志雲、鄭裕彤、郭德勝、何善衡、何添、梁昌、梁球琚、利國偉等富豪成立咗一間叫大地置業嘅公司，佢哋同道明會嘅江樂士神父洽購部份地皮發展玫塊新邨，並且由彤叔嘅協興負責興建。

樓盤最後於1966年推出，不過當年地產市道唔好，個樓盤係蝕賣收場。不過，當年仲係建築界新仔嘅協興就因此聲名大噪，當做宣傳。而道明會剩返部份地皮就係宜家嘅玫瑰崗學校，同埋一班神父居住嘅地方。

據知，道明會宜家仲喺玫塊崗嘅神父好多都已經好老，辦學方面已經無心無力。不過，道明會仍然會照顧佢地，會一直俾佢哋喺司徙拔道校址居住，相信會一直住到佢哋百年歸老。不過，辦學方面就交比道爾頓去做。

事實上，半山之上嘅學校改建豪宅都唔係新鮮嘢，好似一樣喺司徒拔道嘅前嶺南書院，2011年申請改建，地皮成交價達港元41.6億元。

隨著半山地買少見少，司徙拔道一帶附近係御峰、曉盧、碧蕙園等嘅超級豪宅，玫塊崗拎來起樓，價值點樣都高過辦學。相信道明會他日功德完滿之後，自有盤算。而暫時唔算出名嘅辦學團體道爾頓，主要目標客戶都係內地人，接手玫瑰崗呢個牌頭，搬去邊都得啦。