00後第一日返工叫女上司XX嚇呆全場 叫英文名都要加1中文字:無好日子過了
00後新人第一日返工即激嬲女上司:「Hello XX!」
網上討論區有人開post分享辦公室趣事,指新同事入職當天就踩中上司地雷,激到阿姐臉都紅晒!新同事是一名05年出生的新人,中學剛畢業便投身職場,本來辦公室的氣氛都還算熱鬧,誰知新人一見到阿姐就衝出來:「Hello姨姨,我係XXX!」阿姐頓時冷冷回應一句:「姨咩姨,叫英文名得啦」。全體同事都尷尬非常,紛紛避席。00後疑似入世未夠深、還未意會到事態嚴重,改叫英文名後,硬是要加個「姨」字在後,樓主唯有嘆氣祝福她以後好運。
![00後 00後新人入職第一日,就以姨姨來稱呼上司。示意圖,非當事人)](https://imgs.weekendhk.com/wp-content/uploads/2023/07/-2023-07-06-8.24.35_144169298164a6b2b985f76-1024x768.png)
網民:無好日子過了
其實面對比自己大三十年、年過半百的上司,年僅18歲的職場新人會稱呼上司為「姨姨」也不太為過,但在職場上慎言都很重要。不少網友對事件感到詫異,認為與年齡無關,職場上以「姨姨」、「叔叔」稱呼別人有失禮貌。「年紀大一截就要叫姨姨?好彩唔係叫錯個客咋!」「姨姨叔叔?小妹妹係咪當公司係屋企?」、「死X緊」、「呢家啲後生仔女一啲人情世故都唔識」、「天真定無知」。
![00後 此事令女上司非常不滿。示意圖,非當事人)](https://imgs.weekendhk.com/wp-content/uploads/2023/07/-2023-07-06-8.24.22_31127645064a6b2e297507-1024x648.png)
另一邊廂亦有人撐00後「大佢三十年有多,叫姨姨都算係禮貌嘅叫法」、「唔叫佢做 grandma 咪偷笑囉 」,有網友笑指女人無論年少老幼都喜歡被稱「靚女」,教00後逢女性就叫靚女就萬無一失。
![00後 網民斥00後一點人情世故都不懂。示意圖,非當事人)](https://imgs.weekendhk.com/wp-content/uploads/2023/07/-2023-07-06-8.24.14_81306425364a6b2dd1a234-1024x696.png)
資料來源:香港討論區