啟德4宗罪觸動業主！公屋加碼逾3,000伙兼望維港 跑道區豪宅「硬食」抌心口

啟德加碼3120個公屋

房委會擬議申請在3號地盤興建一座42層高的公營房屋，包括一層地下停車場及地面提供一所有9間課室的幼稚園，以及有一座3層高包括地庫的零售設施和一座11層的附屬大樓以容納街市和多項社會福利設施。4號地盤則擬議興建兩座42層高的公營房屋，包括地下停車場、幼稚園及零售設施。項目預計將於2026至2027年落成。

地積比率、高度限制同步增加

房委會申請將啟德用地為2B區3號和4號地盤的地積比率由6.6倍，增至7.72倍，增幅達17%。地積比率是指樓宇准許發展的總建築面積與地盤面積的比例，比率愈高，可興建的樓宇面積愈高。

至於建築物高度限制，由主水平基準以上115米增至125米，增幅達 ，以興建3幢樓高42層的住宅大樓，高層有機會可遠眺海景，預料可提供3,120個單位。

啟德單軌鐵路「壽終正寢」

近日，有網民在網上討論區發帖「覺唔覺啟德區畀人吹大咗？」，並列出4項啟德過份被吹捧的原因，即時引起正反意見展開激烈討論：

1. 成條單軌畀人抽起咗，明顯被政府都唔玩落去，因為已經高價賣晒啲地
2. 大量商用地改做住宅地，已經同CBD無關係，部住宅地仲要起埋安老院、男童院， 根本就變咗基層社區
3. 天環隔離仲要起800間過渡性房屋，一大班基層進入，社會共融
4. 因為超高溢價買入，租金回報非常之低

樓主更指出，啟德發展區個別新盤更出現滯銷，建議最近開售的項目「最好快啲賣咗佢，如果擺到過渡性房屋企好咗， 咁就真係……」

啟德：新供應大堆頭

亦有網民抱怨啟德、白石角和掃管笏為「坐艇三寶」，形容買咗啟德真係會發癲。

• 「啟德真係死硬，地價太貴，發展商想劈價都難。」
• 「假如隔離營再改做安置區，買咗真係會發癲。」
• 「上次一出啟德站，公屋、私樓、居屋『卡喇卡喇』夾著，新發展都可以搞到咁亂。」
• 「啟德跑道區排第一，因為25k樓上呎價真係太貴，唔知幾多年先回到本。」
• 「一個屈尾十已經吹緊北部大都區，仲邊有人理九龍灣？」
• 「啟德仲可能起埋方倉，果期要起咩冇位就掟去啟德。」
• 「啟德跑道區嗰度最好笑，第二個九龍站，又話乜嘢輕軌列車。」
• 「由九龍站變左九龍城寨。」
• 「啟徳應該死唔去，地價連建築成本，發展商坐貨都唔會平賣啦。」

延伸閱讀：傳本港或取消戶外口罩令＋入境快測取代核酸檢測｜恒指爆升500點

延伸閱讀：應屆畢業生返幾個月工想去日本讀書追夢 驚過年前辭職太無品