西鐵元朗站事件掀樓市減價潮？ 網民：幾平都咪搞 費事提心吊膽｜網民熱話
廣告
【元朗・網民熱話】西鐵元朗站21日晚發生疑似幫派人士的「白衣人」無差別襲擊乘客事件，令居民人心惶惶，區內氣氛緊張。近日有網民以「大家覺得元朗樓會出現售價租金減價潮嗎？」為文發題，引起大量網民熱烈討論。
撰文：Smart ED編輯部｜圖片：unsplash、新傳媒資料室、討論區截圖｜資料來源：討論區
元朗區樓價和舖租受壓
樓主引用新聞點評指出，經過星期日元朗一役，元朗區樓價和舖租難免受壓。內文指：「在這場血腥噩夢後，元朗不少外來家庭已名言要『搵屋搬』，畢竟沒人願意接受每晚放工回家都需要提心吊膽。」
網民：幾平都咪搞
大多數網民都覺得，好多區外人士唔會考慮住入元朗：有網民就話：「減都唔好搞，落街都怕比人打。點住？」、「冒住返屋企都要比人打既風險仍然要住係元朗，香港人真係命硬！」
香港人好實際同善忘？
但有部份網民就話，香港人好實際同善忘，元朗樓點都會有市場：「不會，香港人出名善忙，好快唔記得。」、「最終都唔會，無端端多左（咗）批人出左各區搵樓，業主們眼見咁旺立即反價、加租，於是唯有繼續住返元朗啦！」
等樓價跌再入貨！
有網民都表示如果樓價會跌都想入手：「一定唔會，不過我都想佢跌下，可以入返一兩間 」。
