裁員風暴即將來臨 要珍惜份工 網民：唔炒你 減你人工先痛苦 | 貿易戰 | 網民熱話

撰文：Smart ED編輯部｜圖片：電視截圖、unsplash

樓主：

「係咁嘅，我做野間公司係做貿易（不上市，但有過千員工）嘅，
上年傳出貿易戰的風聲後，公司一直傳要大規模裁員。

到了昨天(6月4日)，公司高層及各部門主管開了一次會議，
然後打聽得知，星期4會發大信封，
部份部門會合併，副經理職位會減省(只留下經理職位)，
各個部門平均裁員一半!

不過，本人係某高層要員親信秘書，繼續有得做。」

有網民指「搵工難」、「搵工唔易，辭工需謹慎」、「今年個市道真係差左，好多人都唔敢貿然去轉工」。

又有網民表示消費力真的弱了，真是「裁員滾滾來」。

有網民也留意到近日的市道很差，「市道真係好差，加上貿易戰打擊香港的貿易生意及零售業，真係大裁員都唔出奇」、「呢排食飯真係唔係好駛等位喎」。

有網民認為「唔炒你，減你人工先係最痛苦」，有網民回應指「是，一年扣一d福利，陰d陰d」。

「炒一半都運作到，即係之前有一半係冗員」、「留得底都唔好受，做埋其他同事工作」。

亦有網民提醒樓主「個個都係親信㗎，你係第幾號親信呀！講你聽係俾定心理準備你咋，咁都唔明。」