和同事食晏傾是非 冇私人空間 網民：唔想Lunch都要social | 網民熱話

撰文：Smart ED編輯部｜ 圖片：電視截圖、unsplash｜資料來源：香港討論區

樓主：

「有冇人鍾意自己一個食飯，唔想同同事食？

唔想參與是非………..」

同同事食飯 = 傾是非？

有網民表示很同意樓主的想法，「如果係是非同事，咁我寧願自己一個食」、「一個人清清靜靜，又唔洗揾話題」、「除非同事請，否則只會同熟嗰幾個食。」！

網民說：「不過你唔同同事食飯並唔化（代）表你可以避開是非」。

放飯變照肺

亦有網民指自己「我試過因唔同同事食飯而被照肺2小時」！

有網民分享自己的經歷，「同同事食飯，如果同事中包括老細，食飯變左開會，隨時一面食一面要交待工作進度」，另外，「同事中冇老細，食飯變左數公司同事是非大會」。

這位網民認為兩者都很煩，食飯屬私人時間，所以不想討論或想起公司的公事，「唔想Lunch都要social」、「自己一個食飯最舒服，唔駛搵話題，唔駛聽是非」。

 有網民就認為如果老細請食飯，一定要出席。

「如果係老細/上司約食飯，作為打工仔應該去，因為隨時袋錢落你袋，好多野係office唔方便講， 例如黎緊公司點安排，有咩想你做等等」

但他/她認為如果只是一班同事去食飯，只會議論是非，所以還是不要去了。「如果大家啱傾就話，唔啱傾食飯仲要對著？不了…..」

網民指，如果樓主遇到合拍的同事，就會想放飯時個伴，「我之前都以為自己鍾意自己一個食飯 後來知道原來只係一直未遇到arm key同事…」。亦有網民建議樓主帶飯，避免拒絕老細的情緒。