太子仔管家族生意 萬五蚊人工呻笨 網民：你係老細 辛苦得去邊｜網民熱話

撰文：Smart ED編輯部｜圖片：unsplash、討論區截圖

甫畢業就打理家族生意

樓主指自己是大學畢業，甫畢業就因父母身體不適而幫忙打理家族生意。

惟上班後，公司的「極品老員工」視樓主為仇人，不但沒有教樓主，反而將工作都丟給他做。

樓主直言，那些老員工有「免炒金牌」，平日「行行企企食飯兩味」，而其父母以難請人為由，對這些事「闊佬懶理」。

管理家族生意已達數年，樓主表示，每月幫公司多賺數萬元，惟人工仍然是15,000元，「一毫子都冇加過」。

他坦言工時、工作量及工資完全不成正比，一年上班360日，每星期做足7日，每週的工時達80小時。

而且忙足一天，「水都飲唔到滴」，午餐都要等到3-4時才能吃。放工後要執鋪、拖地及洗廁所。

面面不討好 像坐「三煞位」

即使回到家中，仍要對單、數錢，就連生病都要工作。

因此， 樓主向父母要求加人工，但父母卻表示，「食午飯唔使自己比仲想點」。

樓主又指，以往的中學、大學朋友每隔3、4個月便去一次旅行，但他日做夜做，就連1小時時間也「走唔開」。

因此，樓主無法出席朋友聚會，漸漸失去朋友，亦完全沒有認識女朋友的機會。

他直言做小型家族生意是面面不討好，就像在「三煞位」。

朋友以為他是「太子仔」，終日遊手好閑；新識的人以為他是「廢青」。

父母視他的付出是應份，公司老員工則「當佢冇到」，而客人就以為他是「讀唔成書二世祖」。

上咗賊船 離開唔到？

樓主表示，「上咗賊船，已經轉唔到好工」，不少網民留言討論樓主的經歷。

有人認為，如果樓主真的很不想留在公司中幫忙，大可離開，「直接唔做已經得」，找份更有前途的工作。

你唔想接手，要清盤都係你父母嘅事

但有網民提到，樓主現時所面對的「困境」是可以改變的，只是視乎其決心及性格。

有人建議，樓主需要增值自己，亦要學會管人，更舉例指要「按次序：除鰲拜、平三藩、平準葛爾」。

建議你睇吓大陸創作歷史劇，學習下太子點樣上位，點樣對付三朝元老

網民：你係老細 辛苦得去邊

有網民留言指，樓主身為「太子爺」、「未來老闆」，不會太辛苦的，直指他要「捱下」。

樓主父母刻意比一個 hard training 佢，只要過到呢段 training moment，將來嘅就係佢，唔好咁短視，捱下啦!

有人就鼓勵樓主，守業是難，但捱過就有出頭天！

老友，守業難……能忍人所不能忍，能為人所不能為

與家人商量人工問題

有網民就提議，對於人工問題，樓主應該要與家人商量，看看能否改為分成，起碼是付出能得到回報

同父母商量，再係咁就走人囉！屋企做都係工作經驗！點講都大學畢業

其實或者可以同你父母傾下，
錢方面就唔好月薪制，
按盈利分提成…
至少時間都係落咁多，但錢多d可以平衡返心理