一人一個遇上無品衰客經驗 網民：見你好恰就會食住上
廣告
【無品衰客經驗】一生人流流長，你唔係以為只係會遇上幾個衰客啊嗎？咁當然有啲人一直都只遇到好客，但機會微過六合彩⋯⋯唔緊要，大家開心share下，講出嚟會舒服啲～
撰文：麗爾｜圖片：電視截圖
記得升大學嘅暑假，我係某大型百貨公司返過兼職。
當日位客人係個婆婆，帶住個同我差唔多大嘅孫女。
收錢時俾少咗個優惠佢。後來呢兩婆孫折返話我知收多咗，叫我計返個差價俾佢。
我已經勁唔好意思，一邊道歉，一邊快手啲計返俾佢。
呢個時候，個孫女就一輪嘴指住我個頭嚟鬧，話我晒佢哋時間，大聲到我覺得個地下都震震地⋯⋯
我知，係我唔啱，但我都係人，又道晒歉咁，你仲想我點！？俾你咬一啖，你會唔會舒服啲？
佢最後補返句：「都無腦嘅你，知唔知依加唔係錢嘅問題。」
唔係錢嘅問題，咁你返嚟做咩？你知唔知自己講緊咩？
【無品衰客經驗】1.當你係百科全書
【無品衰客經驗】2.投訴你問你怕未
【無品衰客經驗】3.叫住你全名嚟鬧
【無品衰客經驗】4.唔鬧返佢唔知驚
【無品衰客經驗】5.佢講嘅就係道理
【無品衰客經驗】6.大條道理要退貨
【打工仔困擾】返工係為錢，定係學嘢想有更多經驗？早前有網民呻自己份工太得閒，想知有咩方法消磨下時間。依加忙到甩轆嘅你，唔好講去廁所，就連呼吸都唔夠時間，係咪好想下一秒就退休，勁羨慕啲返筍工（假設你依一刻心目中筍工嘅定義係冇嘢做好清閒嘅工）。
撰文：麗爾｜圖片：電視截圖
之前返過一份工，有一段長時間都冇咩嘢做，手板眼見功夫嘅工作可以勁快做完。
每次去問人有冇嘢俾你做，其實都好尷尬⋯⋯因為人哋都冇嘢分到俾你做⋯⋯問得多都覺得自己煩。
由於我坐嘅位置，係大部分人經過都見到我做緊咩，所以就算冇嘢做，同工作無關嘅網站，上司都希望我自律啲唔好上⋯⋯
有一次，我上司同我講：「你係咪冇嘢做啊？唔緊要，呢邊有啲雜誌，你可以睇住先。」
睇到呢到，相信你一定都為我感高興⋯⋯
但唔好開心住，我上司口中嘅雜誌，其實只係公司寄俾客嘅月刑⋯⋯
原來，返工冇嘢做都係一種困擾？近日網民就提出有關嘅問題：
有相同經歷嘅網民，有以下心得／意見：
【打工仔困擾】1.一邊返工一邊搞自己生意
【打工仔困擾】2.上班時間＝電影時間
【打工仔困擾】3.遇上體貼上司有意幫你
【打工仔困擾】4.冇嘢做 又冇可以吹水嘅同事
【打工仔困擾】5.覺得自己生活頹廢
【打工仔困擾】6.年輕嘅身軀老人嘅心態
