一味死做爛做 同隻牛有乜分別 想改善貧富懸殊 要跳出舒適圈｜Purple弟弟｜職場制勝

撰文：Purple弟弟 ｜ 圖片：電視截圖、unsplash

以上都是事實，不過人的接受程度不一，有人接受唔到可能會出現反社會人格；

有人接受唔到，會想盡方法希望改變殘酷現實；

不過無論你係邊種人都好，認清問題的話，問題就解決咗一半。

如果你接受社會不公，貧富懸殊好勁，出生家底係好重要，咁就希望你睇埋落去。

想成功絕不能不努力

相對於出生好嘅人，我哋呢啲平民學習環境比唔上人哋，父母教育程度亦多數不及有錢人，人際網絡同機遇都差天共地，而唯一有機會贏嘅只係「天資」！

不過即使你天生聰明過人，但窮黑馬始終難搵到伯樂。

聰明過人當然係好事，但因為人人唔同所以都無法討論。

人工只得$12,000

假如我哋天資平平，以上所有條件又係「投胎」問題，我哋控制唔到，咁答案其實已經浮面，你唯一控制到嘅就係努力！

你諗下人哋有錢又努力，你今日人工只得$12,000，條件已經差過人仲努力都唔肯，差距只會愈大。

反之你努力過有錢人，即使得少少都好，總會有成果。

何謂「真努力」?

假如你認同縮短貧富差距係需要努力，咁你都要學識咩叫「努力」。

如果你出身基層，應該聽過父母不時同你呻，「我咁比心機將你養育成人」、「我咁辛苦供書教學」、「我咁辛苦打兩份工」諸如此類的說話。

其實好殘酷咁講句，呢種父母非但不努力，更加係懶！

唔肯跳出舒適圈

懶在唔肯思考、唔肯跳出舒適圈。

所謂好努力，只係打一份工打足十年，無諗過點樣可以搵更多，比藉口自己乜都唔識，已經「做到最好」。

所以你會留意到好多四、五十歲嘅人都唔係好識用智能電話。

真努力讓自己飛更高更遠

雖然佢哋日日手持iPhone，但點樣上網、點樣較靜音都唔了解，因為佢哋已經認定咗自己年紀大，係呢方面點都唔及後生。

即使係中文版面，好多嘢都係跟指示操作就解決到嘅問題，佢哋都會直接搵仔女幫忙，而唔係自己摸索一番先。

而真努力就係要改變呢種諗法，只要唔好自己搵個天花板檔住自己，其實自己可以飛更高更遠。

再具體一啲，就係要不安於現狀以及自律，為自己訂立更高目標。

訂立方向同計劃，再自律咁去按計劃執行就為之「真努力」！

如果仲係一味死做爛做，同隻牛有乜分別？

「隻牛係日日都好勤力，但係咪發到達？」