三個月轉6份工 壓力大到一食就嘔 打工仔崩潰上網求助
廣告
打工仔轉工跳槽搏加人工是平常事，但若果三個月轉六份工，情況就有點嚴重。日前，有網民就以「情況有D嚴重，三個月內第6份工，都係做唔到」為題在連登討論區發文求助。
做了四日便被上司大罵
樓主在文中表示，之前轉過5份工，「有一份係俾人炒，其餘四份就有各種原因自己唔做，而家係我三月以黎第六份工啦，呢份工做左十幾日完全pick up唔到d野，resign左，但個super好好人叫我過第二個department試下咁。」
他繼續解釋，新部門的工作很間單，只是資料輸入，但要快又不能夠有錯，結果做了四日便被上司大罵，要求他若果想繼續做下去便不可以再出錯。
害到60歲老父要打兩份工
樓主指，「自問我有盡力去做，但佢要求好高，我真係無辦法達到，我真係好想唔做，但已經轉左咁多次工，自己勁唔開心，點解份份都做唔到落去，唔知仲可以做d咩。」
樓主補充，年約60歲的老父都因為擔心他沒收入而要出去再打多份工，「我自己都好迷茫，成個人都冇晒心機，又食唔到野，一食就嘔，我覺得自己唔適合Office類既野，如果轉工都係搵返份零售業，辛苦時間長都冇所謂啦，大家覺得我可以點？」
網民：「有前途嘅工，唔啱你。」
帖文一出隨即引來網民熱烈討論，雖然大部分網民揶揄樓主能力不足，部份留言更頗為尖酸刻薄，但亦有好心網民指3個月做6份工代表樓主面試能力佳，可以好好利用口才技能：
- 「3個月搵到6份工做算勁啦，做住先啦，未上手姐。」
- 「3個月做6份工，即係interview唔差，不如試下d用溝通技巧既工啦，sales可能岩，去試下囉。」
亦有網民提出實質意見，指「做譚仔會唔會岩樓主多d？」「Seven收銀？」惟樓主的回應令人頗為無語，他表示「收銀嗰d易搞啦，以前做開，但係嗰d相對無太多前途。」
看到樓主的回覆，網民開始失去耐性，直指：
- 「有前途嘅工，唔啱你。」
- 「以閣下能力，你覺得自己邊方面發展有前途？以你而家既能力，求唔餓死算啦，仲想搵大錢/有前途？」
「你要攪清楚係工揀你，唔係你揀工。你諗吓普通輸入呢啲可能輕度都攪得掂既事，大把人做到，點解你做唔到，之後又話大壓力食唔到飯，又唔見人地咁樣。一係你就睇下精神科攪攪佢先，如果唔係你人生已經玩完。」
「有冇諗過你係老細料？ 唔適合打工。」
圖片來源：unsplash@sashafreemind
