同事去完日本買狗糧派全公司 太耐冇去旅行唔識買手信？
廣告
自從本港及各國陸續放寬入境限制之後，香港人近月開始瘋狂去旅行，「鄉下」日本更是熱門地之一，困在香港三年突然可以「返鄉下」，當然要買手信與同事朋友分享！不過，日前有網民表示，同事去完日本旅行，竟然買狗糧當手信給同事食，究竟是太耐無去旅行不懂得看日文，還是故意惡搞？
狗零食派曬比全公司
該網民以「同事去完日本旅行買啲狗糧返嚟當手信俾我哋食」為題，在連登討論區發文，指「有個同事琴日啱啱係日本返嚟，咁今日一到公司就派手信，開咗包類似旺仔小饅頭嘅零食，食落覺得無咩味道，同埋有啲硬，咁諗住睇吓包裝邊間公司出咁難食嘅零食。」
豈料，一拿起包裝便「見到包裝有隻狗仔，我估個同事都係唔知，因為見佢自己都有份食。」樓主更指「宜家呢隻饅頭已經派哂全公司，應唔應該篤爆佢好？」
網民：成公司都係狗
帖文一出，隨即引來網民熱烈討論，有網民認為同事是故意惡搞：
- 「下，特登買俾你架Wor。」
- 「成公司都係狗。」
亦有網民玩埋一份，指狗零食其實是健康食品：
- 「其實狗零食都唔算差喇，仲以為佢比罐頭你。」
- 「健康食物，狗食得嘅任何人都食得。」
- 「其實都係餅黎je，食就無咩問題，不過買比人食onＸ。」
網民：叫老細出warning
不過，亦有網民認為現時個個都會去旅行，根本無需要買手信：
- 「好心唔好咁老土，人人都識自由行，買咩手信。」
- 「買包咁既野，就算係for人食，一人幾粒都好肉酸。」
亦有網民戲言若果樓主「條氣唔順」，可以向老細告狀或者幫對方打辭職信：
- 「同老細講，叫老細出warning letter俾佢。」
- 「建議你幫佢打辭職信，send俾HR。」
圖片來源：連登討論區截圖
