Asia Miles里數換機票懶人包2024丨旅遊航點兌換表、來回機票所需里數
Asia Miles里數換機票2024丨市面上有唔少嘅里數計劃畀大家儲里數換機票，例如有Asia Miles亞洲萬里通計劃、英國航空嘅Avios、全日空嘅ANA、新加坡航空集團嘅KrisFlyer等等，唔同目的地喺唔同里數計劃所需要嘅里數都唔同。不過，坊間都係以飛行距離去為每個航點定價需要幾多里數換機票，有時要Check返心儀旅遊點需要幾多里數都幾麻煩！經一幫大家整合咗大部份熱門旅遊點同航點來回機票所需嘅里數，等大家一眼就知夠唔夠數，可以好好安排旅程！
Asia Miles 飛行里數優點
透過信用卡消費，輕輕鬆鬆賺Asia Miles！
喺眾多飛行里數中，以國泰航空嘅亞洲萬里通（Asia Miles）最為港人熟悉同泛用。由於香港有多張信用卡嘅積分都可以免費轉換成Asia Miles，平時日常食飯、買嘢簽卡都可以順便儲到Asia Miles，加上周不時嘅市場推廣優惠，要儲夠里數換機票真係唔難！只要額外再補返幾百至一千元左右嘅燃油附加費同機場稅，就可以免費兌換一張來回機票啦。
Asia Miles：熱門旅遊點里數兌換表
| 15,000里可兌換航點（來回機票） | |
| 台灣 | 台北、台中、高雄 |
| 越南 | 河內、峴港 |
| 中國內地 | 三亞、海口、長沙、廈門、杭州、南京 |
| 20,000里可兌換航點（來回機票） | |
| 日本 | 東京、大阪、名古屋、沖繩、福岡、廣島、北海道札幌 |
| 韓國 | 首爾、釜山、濟州 |
| 越南 | 胡志明市 |
| 泰國 | 曼谷、清邁、布吉 |
| 柬埔寨 | 暹粒、金邊 |
| 新加坡 | 新加坡 |
| 馬來西亞 | 吉隆坡、檳城 |
| 中國內地 | 上海、北京 |
| 印度 | 孟買 |
| 44,000里可兌換航點（來回機票） | |
| 馬爾代夫 | 馬爾代夫 |
| 澳洲 | 悉尼、墨爾本 |
| 50,000里可兌換航點（來回機票） | |
| 芬蘭 | 芬蘭 |
| 60,000里可兌換航點（來回機票） | |
| 英國 | 倫敦、曼徹斯特 |
| 法國 | 巴黎 |
| 意大利 | 羅馬、米蘭 |
| 德國 | 法蘭克福、慕尼黑 |
| 荷蘭 | 阿姆斯特丹 |
| 瑞士 | 蘇黎世 |
| 加拿大 | 溫哥華 |
| 紐西蘭 | 奧克蘭 |
| 美國 | 洛杉磯、三藩市 |
| 南非 | 約翰內斯堡 |
| 84,000里可兌換航點（來回機票） | |
| 加拿大 | 多倫多 |
| 美國 | 芝加哥、紐約、波士頓 |
國泰航空旗下飛行獎勵計劃亞洲萬里通Asia Miles最近更新了飛行獎勵換算表，2023年10月1日起生效！單程長途航點的經濟客艙里數減少，包括北美、澳洲及歐洲等地；不過，港人旅遊熱門地日本的經濟艙里數則增加了2,500里至12,500里，且大部分短途航點於特選經濟艙或以上的所需里數均上升，即睇詳情：
（圖片來源：香港美國運通官方網站）
延伸閱讀：Asia Miles飛行里數兌換調整！「短加長減」換日本機票增25% 附最新換算表
透過以下信用卡可更容易賺取里數換機票：
想透過日常生活盡量儲多啲里數換機票？可以考慮申請或使用以下幾張信用卡。
- 消費回贈高達HK$3/里
- 高達60,000里數迎新獎賞
- 食肆、網上及海外簽賬高達HK$4/里
- 高達26,000里數迎新獎賞
- 指定簽賬高達HK$2/里
- 本地簽賬高達HK$6/里
- 海外網購簽賬高達HK$4/里
唔夠里數？可以以現金加里數換機票！
由2021年3月30日開始，如果你所持有嘅里數唔夠全額換領心儀航點嘅機票，都可以透過國泰航空網站嘅「里數加現金」付款方式購買機票！而透過「里數加現金」預訂嘅機票，都會按照返票價規則賺到里數。如果使用「亞洲萬里通」或國泰航空嘅聯營信用卡付款，用現金支付嘅部分同樣可以賺取里數。
- 首先要登入國泰航空官方網站
- 選擇心儀航班後，前往付款頁面並選擇「里數加現金」付款
- 使用滑桿或輸入希望使用嘅里數數目同現金金額
- 以現金支付餘額，就可以立即收到已獲確認的機票
圖片來源：國泰航空官方網站、香港美國運通官方網站、香港渣打銀行官方網站、香港滙豐銀行官方網站、香港星展銀行官方網站資料或影片來源：國泰航空官方網站、原文網址
