打工仔大呻多嘢做即被炒 「港人每天工作18小時是必須」｜網民熱話
呢位被炒嘅打工仔係一名合約工，由HR搵agency幫手請。據了解，本身見工時該名事主表面都麻麻，但因為始終係合約工，加埋等人用，所以老闆決定請咗先。
但係返咗幾日工後，上司喺同一日派咗幾份Job俾佢，佢已經黑晒口面。等咗一陣，佢仲竟然走埋去上司個位「發爛渣」，用大到全個office都聽到嘅聲線，投訴自己工作量已經好多，「你仲派嘢俾我做，我究竟有幾多隻手可以做到啲嘢？點解唔派俾其他人？係要派俾我？」
過咗幾日，呢位同事就消失咗。近日老闆交代係因為該同事工作表現未如理想，所以被開除，公司會再重新請人。
唔少網民都認為呢次事件俾咗自己一個大警剔，就係喺「禍從口出」，告誡自己喺OFFICE講野真係要小心。亦同時覺得多嘢做大可以走，係度呻無非博出位。「係咪要老細覺得你做左好多野 要加人工啊？」。
不過返工就係忙，香港人都應該已經習慣。無可能冇嘢做都仲會請人。再者喺公司講呢啲說話唔多唔少都影響士氣，部分網民覺得炒得啱。
有打工仔表示，曾經有同事響老闆面前說話暗地有骨，嗰期糧尾已經失蹤人口了。
「若因個人能力唔夠，而多野做，再呻多幾聲，即係自己搵笨」
「佢唔係咁天真諗住呻左老細會比少啲野做下話」
「抵死，香港人每天工作十八小時是必須」
「仲要一星期7日侍候， WhatsApp 5分鐘內要覆，返工要表現非常享受，時不時要向老細反映下人工太高，極力要求凍薪甚至減人工」
有網民好奇一問，如果呻少嘢做，後果又會如何。如果後果都係被炒，而又會賠足遣散費的話，有網民又覺得唔一定係壞事 。仲多一個月人工添。「其實預左可做可唔做的，咁講無壞！」「同你老細抗爭。」
好多時打工仔都覺得點會係因為呻下就炒。但呢個世界，就真係有好多老闆一因為你嘅唔識做而咁絕情。
「傻仔出嚟打工， 莊閒都未識分， 心態唔改去邊都一樣」
打工始終都係打工，更何況係合約，不過有人分析， 如果真係講咗一句就炒，老闆都唔慌好人得去邊，公司都唔會點善待員工，走未必唔好。「 看完單野後見到係合約工，明晒，大家都唔志在，小事黎姐」
網民精警金句：
「如果太多嘢做真係自己開公司好過」
「有乜問題好好哋解決唔得嘅」
「咁真係太多野做咁點? 無限OT？」
「打工仔最怕拍住個單身又工作狂，時間多又冇家庭壓力，老闆一比較之下重呻多兩句必抄」
「我估成日嗌多野做唔係主要原因，可能佢夾雜著左，令佢多野做嘅人士名單出黎，咁一不做二不休之下，斬除異己」
