怕樓市跌落去會無仇報 「想人工高樓價勁低 有可能咩」｜網民熱話
廣告
【人工．網民熱話】樓價升，一班打工仔與置業夢距離又遠了。但當樓價跌，抱怨的人同樣多！樓價高唔敢亂賣樓，但有網民表示，今天唔趁高價賣樓套現，子孫會埋怨你⋯⋯
撰文：麗爾｜圖片：電視截圖、unsplash
網民表示由03年至今睇錯樓市的人真係一世都無仇報，如果今日趁高價唔賣樓套現移民，極有可能20年後你啲子孫會埋怨你。「去台灣買定樓，分散風險」無意移民者則表示：「多人移民，樓市供應舒緩。」
同一句對白講足幾十年
「舊年無入貨或已賣咗自住，眼見依家樓價不斷破頂、創新高, 咁就真係無仇報。」
「同一句對白，1960年講到依家都係一樣，未又係貴過1960年，有無香港邊區租金平得過20年前？ 20年內恨買個班心入面未又係想跌時執雞買入之後自己升」
樂觀嘅網民提到樓市跌都仲有層樓住，最緊要仲有份工。數字遊戲唔需要多諗，而且都唔到你去諗。怕一旦樓市升上去就真係無仇報。
但調返轉頭諗，一旦樓市跌落去，又有好多業主會買多層，未有樓嘅現時唔應該麻怨，而係要两手準備。
一要儲多啲首期，二要多啲留意市况。勸未上車者應該要理性啲，樓價始終會升跌，唔會永遠維持喺呢個樓位。
亦有人認為樓價跌都冇用：「香港人既薪金跟隨樓市大跌，咁就無仇報啦，因為買唔起。你覺得人工高，但樓價又勁低，有可能咩」
香港金蛋變壞
網民提出一個問題：香港的金蛋係咪已經變臭蛋呢? 如果唔係有乜嘢驅使到你嘅金蛋繼續變大。
有人回應：樓只會愈來愈爛，會拆舊嫁！！！簡單d 講，好似d 蛋咁，變爛變臭，愈黎愈唔值錢。咁租金自然相應下滑。最終就係租樓日日賺！！！賺盡業主d 錢，諗起都happy！！
「香港既金蛋從來都係背靠大陸」
另外唔少人認為，依家內地普遍認為香港連上海深圳都不如。「深圳太古城已經貴過香港太古城，好諷刺。已經無仇報。」
「樓市雙頂，本土資金買唔起，大陸資金唔落黎 。。。。死守，上望無空間，下跌就等爆破 。。。。要睇表演了！」
「現在大陸越做越大自然會升，甚麼人權法治自由根本係多餘，呢D野會發達台灣應該成功過香港，唔會畢業22K台幣。」
