想離開安穩舊公司做開荒牛 「細公司你估唔會一腳踢做晒」｜網民熱話

撰文：麗爾｜圖片：unsplash、電視截圖

樓主為40歲已婚男士，準備要小朋友，在同行業15年經驗。目前職位為Sales Director，佢有補充其實自己沒有下屬，基本就是高級Sales，工作5年，過去四年冇加過人工，後兩年沒有Bonus。樓主表示老闆欺壓佢，因為佢所負責部門的sales其實都有在盈利和增長，公司大概50人左右。工作目前很穩定，70%時間在出差，但沒有得升，因為樓主係直接report俾老闆。樓主本身和老闆也是以前同行認識10多年的。歐洲老闆，除了加人工和Bonus這兩點，其他方面公司福利還是很不錯的。

新公司A背景

同行，樓主表示轉工的話可以說的得心應手。過去十年時間內第四次邀請樓主加入佢地。如加入該公司職位同樣是Sales Director，但有三個經理做樓主下屬。

樓主三次拒絕了這間公司，是因為老闆是印度人，樓主過去有與印度人做生意的經驗，發現他們有誠信問題，而且這家公司的人士一直變動很大，樓主擔心過去了，不知道能做多久。

同時亦認為如果過檔的話就是突破自己，而且也是帶Team，新公司A也算規模大啲（約100人）。出差時間，因為有下屬幫忙，肯定也不會有那麼多。

新公司B背景

同行，但做更小眾和貴價的產品，小公司（約20人）。歐洲老闆。

幫助公司開妥中國的業務，和目前工作和新公司A比是從零開始和更有難度。

樓主本身沒有做過呢種貴價的產品，該公司老闆在歐洲，大概一個月匯報一次工作，工作會比較自由，可以home office。樓主自己也想可能能自己趁機做點小生意，出差時間肯定也沒那麼多。

至於工資和待遇，新公司大概多10-15%。舊公司的話，樓主辭職的話，佢估計老闆可能會加5-10%人工留佢，所以三個選擇的人工是不會有太大差別的。

A公司支持者

揀A公司嘅網民表示，正常人就揀呢間。不過都要睇出差頻率，因為根據樓主所講嘅嘢轉工都只係 正常a公司想減少/直情唔使出差。亦提到樓主未接offer前已經咁了解A公司業務，就唔洗咁考慮其他選擇。

「A啦，唔好諗B，少出差只係你估計，按你描述間公司發展緊大陸市場，你出差時間未必會少幾多
A至少有team帶，壓力可能會有，但至少有啲手手腳腳用下，跑數都唔駛下下親自操刀」

B公司支持者

有人表示既然樓主最最介意嘅問題唔係出差，而只係唔想出咁多，大可揀B公司，因為憑樓主所俾嘅資料推測，應該唔會有出差大陸幾個月的機會，最多短TRIP，就算樓主要留咁耐都冇咁多客給你見。

「我唔係做你嗰個行業，所以就咁聽你所講，我自己會揀 B 公司 → 留低 → A 公司。」
另有支持B 公司嘅網民表示，歐洲老闆比印度老闆信得過，印度老闆最大問題，樓主自己亦一早知道； 亦認為「四十歲仲年青，值得搏下 – 做得開荒牛他日成功就係中國區主管。」

留返喺舊公司

勸樓主唔好走嘅網民提到，印度老闆好現實，當你達唔到佢預期或得到佢想要嘅嘢，就多數會搵機會請你走。而細公司，比樓主現時公司還細，就唔走好過走，「 細公司你估唔會一腳踢做哂?」

另外亦有人分析，如果人工差不多，就做生不如做熟。
「可能你人工己到了市場價以上，現在老闆都一定吾加得多，至於花紅其實係你年薪的一部份，可能己加在你的月薪入面，咁就冇啦！
至於A offer，都吾知可以做幾耐
至於B offer ,冇生意翻的話都好高風險，你又未做過」

「40？！老嗎？！人老，1動不如1靜。老婆？老嗎？家人需要安穩，唔係富貴。想清楚吧，年輕人。」

其他網民留言：

「阿差都信?? good luck………
你自己寫 A :
重有就是誠信問題，這家公司的人士一直變動很大，也有點擔心過去了，不知道能做多久。」

「根本份份都要出差………..B重要開做荒牛……….除（隨）時1次大陸拋幾個月………… 」

「我就未見過做開荒牛唔使stay當地lor」

「人事變動大唔方好做, 以前我公司有個部門就係咁, 好做的話邊有咁多人做一陣就走」

「舊公司冇人工加，即係睇死你走吾到，冇錢途。A公司3次叫過檔誠意夠，至於印度人誠信問題等要睇你功力，B公司擺明做開荒牛，做到就好前境。記著打工吾會有保證，君要臣死，臣不得不死。」