通街大學生 學位唔再值錢 「中學＋四年經驗已足夠」｜網民熱話

撰文：麗爾｜圖片：電視截圖

有人應該之所以大學生唔值錢，係因為香港唔夠工，高人工工作去了大陸。

 「iT engineering 在北京有7萬人工。香港？IT 工，10-20k？香港政府淨係識保住地產商.. 又唔似星加坡咁吸引外資嚟香港.. 香港依家剩係得啲空殼亞太 中國總部公司，唔請人，搵嚟避外國稅..香港政府仲懶叻咁，見到個商業登記以為自己贏曬… 新加坡/上海求其找一間公司，一個分公司總部至少有一千人，香港有20人，我地已經識偷笑..仲有香港好多井底之蛙以為香港經濟好勁」

「係(喺) 大陸7萬人工個D，即使係汕頭大學出身，佢地(哋)平時係瞓係大學電腦室裡面(瞓睡袋)，坐在大學圖書館讀書直至午夜，佢地一個人可以幫7間港澳公司起個SYSTEM!!!」

有網民提到，請人時，遇到一些很好嘅選擇條件，一見到係大學生，就即刻唔考慮。(中五中六＆HD先會請~)
因為覺得一讀過大學，思想意識已污染，態度行為唔正常！(完全唔適合現在工作~)

另有表示大學生唔再等如人才，認為70/80年代就係，但現時老闆會用經驗＆能力去衡量。

「一個用多四年…返大學玩＆攪運動！一個工作四年…做人＆處事都醒啲！老闆自然識得選擇。」

「錢就俾多四年…但就只係Hea多四年！(玩囡囡＆攪運動)浪費錯過四年…薪酬年資＆工作經驗！(公僕已跳薪三年)
入政府做公務員…已經一早派咗公屋喇！(低級兩年左右就排到~)」

亦有人總括大學生唔值錢的原因：
1) 自己認為大學畢業，自視過高。
2) 學院派冇工作經驗，但做野又有自己果套。
3) 呢幾年大學生有好多負面新聞，影響佢地搵工。

有經驗者表示：

其實大部分文職，以前用中3、中4已經勝任，做得好好。
作為僱主，一係請個熟人，一係請個樣靚，穩定無異心，不會跳槽的。
有正常職位，梗係請靚仔/靚女，中學學歷的，唔通請個大學生，又唔肯體力勞動，又成日想升職跳槽咩。
每個上司也有他喜好，例如我前上司是菲律賓大學畢業，所有菲律賓大學的下屬就優先升職，而他最憎8大，所以HKU及Poly畢業的無職升無人工加，得個做字，連中5仔都有得升職。

「 DSE全炒，一樣可以讀自資大學」 

有持相反意見者表示：「大學生會愈來愈多你咪唔好請囉，到時你成間公司都係老屎忽或者係啲連大學都未讀過嘅垃圾慢慢玩飽佢。」

「最好就個個覺得周街大學生，然後退學唔好讀」

亦有網民提到其實好多公司只係用學歷去請人，或升職。

「我唔係話大學生就一定係人才，但係大學生裡邊的人才一定比非大學生多，明未？信唔信由你」

請人好多時都係睇公司文化和偏好，不過總括而言，「識人好過識字」，搵好工最主要「靠食腦，膽色，眼光，心態」，就一定冇錯。