30歲要買樓結婚生仔 離夢想愈來愈遠「好多人都要對生活妥協」| 網民熱話

撰文：亨利 | 圖片：電視截圖、unsplash

【網民熱話】30歲人生規劃

有打工仔在討論區以「30歲人生規劃 」為題開post：
樓主表示，大學畢業已經是很多年前的事，與大學同學見面機會少，愈來愈疏遠，過半大學同學已經結婚生子。
樓主指大學畢業時，自己有夢想和目標，希望可以自己創業，但實際是要向現實低頭，要從事自己不喜歡但人工不錯的工作。
如無意外樓主多儲兩年錢，就可以買到樓，「有女朋友，未有結婚打算」。

生仔結婚有家庭＝無得創業

網民提醒樓主要想清楚自己真正想要甚麼，「無可能魚與熊掌兼得，你想生仔結婚有家庭基本上都無可能創業」。
「你選擇同另一半安穩同安居，有人就選擇take risk而唔結婚、買樓住，都係關乎priority同自己點諗，諗清楚，選好了，日後結果如何無人知，日後回想亦未必後悔」

有網民指自己也有相同感覺，「25都已經有依啲感覺，師兄加油!!」、「共勉之！」、「去到3字頭真係突然好多諗法，個腦有好多如果」。

有網民認為香港人真是很可悲，「反而開始覺得點解要比咁多包袱同責任自己，付出左既又換唔換到自己相對既快樂？」、「買左樓先係痛苦人生既開始」。

未有意拍拖結婚

亦有網民分享自己的情況：
「我而家個stage係雖然好唔鍾意份工，但份工好穩定，人工幾理想，穩步上揚，成日諗轉工但出面根本搵唔返呢個人工，兩老年紀大需要照顧，無兄弟姐妹所以係一個人擔起頭家，結婚拍拖就諗諗先，未遇到合適的人，朋友就大部份結婚嘅結婚，拍拖嘅拍拖，想約都難」

其他網民回應指，「個confort zone愈黎愈大，呢一刻唔走 之後都未必會走」、「有時走唔係講講下，好多顧慮」、「好多人都要對生活妥」、「轉工風險太大」。