90後高薪精英變Loser？公屋仔自封「人生贏家」：等樓爆咪知邊個無褲著！

由原本Winner變Loser

有網民在連登討論區上，以「90後叻個班早幾年上晒車，由原本既winner變左loser」為題發文，與大眾討論精英買樓情況。

該名網民指：「講緊搵50k-80k個班，成世人努力付出比30k個班可能多好多，人工又未去到當輸散紙既水平。唔移民個班3xk朋友開始準備入市，因為儲多左兩年錢有機會俾到首期，唔知班精英（非連登fg水平），內心會有咩感受。」

網民：你擔心自己好過啦！

不過大家似乎不太認同該名網民的看法，更指他是否葡萄別人，認為別人的生活不需要他擔心，反而反問其是否「很得閒」。

• 「搵到50k-80k都要樓主擔心，樓主人生都幾唔得閒。」
• 「你擔唔擔心自己？」
• 「冇錯，早幾年搵50~80K，宜加已經搵緊100K以上，供兩層先要你擔心。」
• 「人地一日winner一世winner，到退休果日都仲係50k-80k階層，你退休果日呢？」
• 「俾個機會你上車你又要串串貢，你有本事而家執平貨上車 咪叫有個竇住下唔洗做loser，上唔切車樓價回升果日，你睇返呢個post，留返你自己笑自己喇。」
• 「得一層樓自住果D， 升跌都係枱面數姐。」
• 「好心咪咁X肉酸，憎人富貴厭人貧啦，擔心自己三十幾歲都重一事無成好過啦。」
• 「搵到果個價位果班，班高層多數去移民，無人阻住升得仲快…」
• 「當層樓跌左50萬，揾50k都只係冇左10個月人工，有咩咁loser？」
• 「供緊兩層加息加左一萬都無 去少轉日本係返到喇。」
• 「win一時嘅人點算係winner，而家都未賣樓就注定係loser。」
• 「90後做幾年野袋50-80k, 條career path通常都係直上，做多幾年就100k，人地諗緊嘅係過多幾年買唔買多層好。」
• 「做左幾年仲只係搵30k個班，career path都未必係好清晰，或者本身個人能力有限，做多幾年野可能都未到40-50k。點睇都唔會winner變loser，更加唔洗樓主擔心，你地根本唔同level, 專心番工啦。」
• 「原來又係啲公屋仔成世住定係loser嘅post。」

網民：早買早X街！

亦有人認為早兩人置業的人士慘成「Loser」，部份人更指早買早X街，即使現是入市也是「Loser」；另有人指自己好彩已甩身。

• 「早買早X街 唔好意為依家抵就買。」
• 「應該等樓爆drop to zero免費做業主。」
• 「早幾年個價位仲買樓都好難係真正winner」
• 「17年尾上車，好彩今年年中賣左⋯年中都已經跌左好多。而家先賣應該要抬錢走貨。」
• 「30k個班而家點入市。」
• 「住公屋又贏。」
• 「真，兩年前搵5xk先買到既樓，依家搵4xk已經買到。」
• 「之前班友日日po新屋，而家收哂皮。」
• 「最慘係搵得果20-30k走去9按隔硬上樓果班，白做多幾年。」
• 「onX，仲諗香港買樓。」
• 「19年買咗兩層，依家樓價去返19年，身邊朋友醒啲，話如果下年減息先買。」
• 「而家入市都會係loser。」
• 「我搵緊12k係咪成最大贏家。」
• 「等到嘉湖穿一萬蚊即買。」
• 「2020年入左市，準備跌得勁會入多層。」

美聯：今年新盤成交量按年大跌逾43%

據美聯物業房地產數據及研究中心綜合《一手住宅物業銷售資訊網》資料顯示，本年(截至11月21日)的新盤成交量共錄8,874宗，較去年同期15,709宗大幅減少約43.5%。

美聯物業首席分析師劉嘉輝指出，由於今年樓市受疫情打擊，年初更一度未有全新盤登場，加上息口上調等利淡因素影響，導致一手交投按年大減。不難發現，銀碼愈大，一手交投跌幅愈大。若以金額劃分，年內(截至11月21日)逾2,000萬元個案僅錄460宗，按年大跌近7成半；逾1,000萬至2,000萬元按年亦大跌約69.4%。

表：2022年(截至11月21日)各類金額的新盤成交量按年變化（資料來源：美聯物業房地產數據及研究中心）

延伸閱讀：公屋世界級走廊獲送貨員力讚 代理現身幫私樓「護短」：你部𨋢已經失禮死人

延伸閱讀：自住單位估價大插水「唔怕變怕怕」 港男聽女友話買康城：搞到而家輸兩球！