38歲衛詩雅港島1200萬新屋開箱｜慳妹上身share裝修設計、度呎訂傢俬心得

分享搬屋、驗樓、裝修經驗

衛詩雅出名節儉，她不時在YouTube搬屋、驗樓、裝修的體驗，凡事親力親為。上年衛詩雅過千萬購入港島筲箕灣的新居，間隔為兩房半，半間房屬於雜物房和衣帽間。

衛詩雅「終於有兩間房，終於有廚房」，新屋廚房正對花園，非常寫意。

花園小平台，樓上住戶冷氣機滴水，衛詩雅不禁打趣笑說：「樓上會唔會掉垃圾落嚟？」

自己度呎慳錢

衛詩雅在新屋開箱的片中稱懂得度呎和設計新居。她在片中說：「自己上網搵圖則，成間屋都係我自己畫㗎！」連設計都撈埋，置業成本慳唔少呀！

衛詩雅透露正學習紫微斗數和風水，似乎她正計算新居方位與命盤關係。

就連牆身髹油，衛詩雅都學埋，還實戰髹「藝術漆」，不過她髹了半幅牆便喊累。其後要油漆師傅「執手尾」完成整幅牆身。

搬屋4千元搞掂

衛詩雅又細屋搬大屋，慳妹性格改唔到，她不斷格價，找了一間小型搬屋公司，未計大型傢俬，只需4千元便搬晒全屋的物件。

為了慳到盡，衛詩雅找了媽媽幫手搬屋，她搞笑介紹母親出場，「我請咗新姐姐：Amy！（母親的洋名）」 不過Auntie睇落又真係好後生，與衛詩雅似兩姐妹。

原本衛詩雅問搬屋公司領取了50個紙箱，不過最後只用了9個，比預期要搬的傢俬少。

原來衛詩雅為了慳錢，當初搬進啟德時，家中的衣櫃等大型傢俬，找了姐夫幫手組裝。所以話，家人好重要。

網民讚：好貼地

• 真係又叻又靚女！最欣賞係你好貼地，乜都親力親為，十個讚呀
• 記得啱啱睇你個Channel話啱啱儲夠錢買屋，宜家已經可以換大啲叻

• 

延伸閱讀：大劉親口澄清與呂麗君關係｜劉鑾雄借機回應春卷傳聞：度氣谷谷埋埋好耐！

延伸閱讀：平安夜元旦玩通宵｜驚青媽無力阻16歲女拍拖 網民一句點醒：試轉換呢個模式