業主警世文：我果層新樓，兩年前租畀不太紅嘅女明星……（有相有真相）
廣告
臨近租樓旺季，適逢有租客因租約期滿退租，日前有業主收屋時，發現原來新淨的單位竟然牆身發霉、室內木樓梯疑似被狗隻咬爛！最意想不到的是，該單位本來是新樓，但租予女明星兩年後，竟變成一間爛屋！
女明星租樓 新屋變爛屋
租該名業主日前於社交平台擘組大吐苦水，表示自己兩年前將新買單位出租予一位不太紅的女明星，然後逐年交租，不用每個月追租，原以為遇上好租客，更「租平啲」方便女明星。
不過，業主述憶，上個月女明星通知他完租，結果無交足最後一個月租金，於是從按金扣掉餘額了事。更奇怪凡是，該位女明星竟然未有面對面交收鎖匙和門卡，反而用Lalamove寄還，業主直言：「當時已經心知不妙！」
其後，業主到單位入屋查看，發現不來新淨的單位「住到好殘舊，好多地方變破壞，每一幅牆都花晒、發霉」，屋內的樓梯又畀狗咬爛，弄花地板。
而且，女明星退租時表示會「交吉」，結果全部家具都無搬走，要業主自行花錢找運輸公司搬走雜物。
業主表示：「最搞笑（女明星）同我傾退幾多按金，佢話如果由佢哋自己處理牆和地板，還原維修只需7,000元可以搞掂，佢哋打算求其整返。」
結果，業主自行聘請師傅整理單位，將全屋牆身重新上油，「地板我負責畀一半，加埋29,000元，佢咁都話貴。」直指女明星不負責任、不講道理，令他「條氣唔順」。
網民點睇？
- 「點樣住先會住到咁樣？好過份！」
- 「雖則租出會預左有損耗，哇但係攪到殘舊到咁⋯佢好唔好意思嫁？」
- 「已經殘到唔似新樓，sorry for you。」
- 「其實佢住咗幾多年？ 好似住咗都幾舊！ 正常租兩年預咗要返新牆身囉！」
- 「但係地板梯級等破損好明顯就係人為因素，間屋咁大翻新真係要兩三萬！」
- 「如果有簽合約，約上應該寫明如果唔按時交租，姐係沒有履行合約條款，業主可以沒收按金。」
- 「可以住到咁，咩人黎，唔出名既名星應該都會有姐姐執下屋清潔。」
- 「最好開埋名啦，免得其他人受害！」
- 「租俾養竉物係有風險！」
業主事後回應：「我目前打算裝修好先，之後有單有據把餘下的按金退返俾佢。我就跟足程序做嘢。 如果佢仲係唔知錯，仲要鬧我嘅話，咁我都唔會客氣。」
免責聲明：本專頁刊載的所有投資分析技巧，只可作參考用途。市場瞬息萬變，讀者在作出投資決定前理應審慎，並主動掌握市場最新狀況。若不幸招致任何損失，概與本刊及相關作者無關。而本集團旗下網站或社交平台的網誌內容及觀點，僅屬筆者個人意見，與新傳媒立場無關。本集團旗下網站對因上述人士張貼之資訊內容所帶來之損失或損害概不負責。
圖片來源：FB@香港租樓/買樓討論區
