公屋裝修│細佬搵阿哥夾錢裝修30年公屋 卻為一個原因反面 網民拆穿細佬詭計

兄弟為公屋裝修費反目

近日有港男在連登討論區以「公屋裝修俾唔俾錢好」為題發文，指自己與弟弟租住一間30年樓齡的公屋，10年前裝修過一次，包括廁所和廚房。弟弟最近表示「住得唔舒服」，計畫重新裝修公屋單位，「跣灰油靚佢+換傢俬（梳化電視櫃床）」，希望與樓主一人一半分擔裝修費用。

不過，樓主兩兄弟未能達成共識，更因此起爭執。

「而家傾到鬧晒交，但裝修幾皮嘢點都走唔甩，我畀50%都幾肉赤」

皆因樓主計畫買樓結婚，並且要負擔新樓首期的7成。又預計2024年搬走，認為只住多一年公屋沒有必要花錢裝修。惟弟弟認為「住多1年都係時間，早俾錢裝修就早享受」。

樓主續指，弟弟目前單身，相信短期內不會結婚。故樓主搬走後弟弟或成為「寛敞戶」，屆時或會被房署要求搬遷或繳付雙倍租金。弟弟亦提議哥哥買樓落女方名，公屋則毋需除名。

網民意見兩極

帖文引來網民熱議，留言意見兩極，有人認為「一世人兩兄弟」，免傷和氣，能幫則幫：

• 「大家一家人，少少錢，算啦，唔好傷和氣」
• 「其實無話啱唔啱，睇你畀唔畀，第時同女友分手都可以搬返去」
• 「少少地出啲咯，喺自己能力範圍內，同埋以唔影響你自己遲啲嘅搬屋計畫作前提」
• 「夾一兩萬囉，又唔係大錢，你講明下年搬走，俾少少錢唔洗傷和氣喇，個細佬都值2萬掛」

另一邊廂，不少人認為既然樓主要搬走，出錢裝修現住的公屋是多此一舉：

• 「你一搬得出去住，無論間公屋有冇你份，到時你都一定拎唔返你個份，俾我就唔會畀了，而且你搬出去，如果除名佢都一樣要搬，裝嚟做乜？」
• 「租嘅公屋裝乜修？到時連裝修還俾房署？」
• 「叫佢等一人單位再裝修啦，又要你夾錢又要你寫女朋友名，唔係話咒你，但你係咪肯定會同你女朋友一生一世先」
• 「最多畀1至2成，做大佬唔代表要照顧細佬終生」

延伸閱讀：旺角170呎「KK園區」殘樓月租6,300蚊 網民：《正義迴廊》裝修風超趕客！

延伸閱讀：八大碩士生職場「高分低能」 大爆學霸同事3大死穴：用經驗狠狠撕爛佢張沙紙