MT一定打得兼睇得？2件真人真事話你知MT嘅搵工心態｜張慧敏Son姐

職場

Feb 14 2020

講到Management Trainee，最熱門的話題對象，當然是行山銀行6個本應Work from Home去了Work from Hill，不忘在Instagram互tag「人在野」的MT。再和大家分析這件事件之前，先和大家分享幾個真人真事的MT搵工個案。有助大家了解今時今日的MT，究竟是如何怎樣又抱着甚麼樣的心態去搵工。

下集：「行山銀行」6個MT應唔應該炒？後生仔應汲取教訓做出成績｜張慧敏Son姐

撰文：張慧敏（Son姐）｜圖片：unsplash

MT招聘要過五關斬六將

MT，顧名思義Management Trainee，就是大企業從零開始有一張白紙，培育未來管理班子，說是天之驕子絕不為過。

招聘過程名副其實過五關斬六將，一關闖過再一關，成功獲聘的一定打得兼睇得，絕對是可以扭轉人生的機會。人版就有我的好朋友，會德豐地產常務董事黃光耀Ricky，在木屋區長大，半工讀完成學業後，1989年加入會德豐集團由見習生，30幾年來名副其實步步高升。當年可沒有MT培訓班，大學更加不會有人教學生寫CV教面試技巧，全部自動波靠自己準備。到了今日，當讀大學都要補習的時候，當讀書成績叻說穿了不過就是考試機器。

延伸閱讀：員工home office唔使返工好着數？「本來hea做的人返唔返工亦一樣hea」

所謂大學尖子精英們趨之若鶩的MT職位，除了講出嚟有面子夠威之外，究竟有幾分真心幾多熱愛？

我有兄弟班是跨國銀行頂層，早前請我食飯，講起銀行幾個新請的MT的表現，講了不知幾多次有冇搞錯？事緣銀行每年會請一定數目的MT，然後會被安排和不同部門的話事人面談，主要目的是配對。作為新入職的MT，無論對那一個部門有興趣沒有興趣也好，最基本的禮貌都應該有吧？有一位一坐低開宗明義說對他的部門根本冇興趣，是人事部安排所以『循例』來見他一見！銀行招聘MT講到明會分派他們都不同部門工作，MT們清楚知道。如果不接受根本就連申請都無謂。如此『坦率』的態度，算是哪一門子的態度？

另一位就問他日常工作需不需要見客。我老友呆在當場，做業務推廣需不需要見客還要問嗎？於是反問MT何解有此問題，答案是……他不喜歡接觸陌生人，再加多一句，自己性格內向不喜歡應酬。原來係咁！然後再講起一個去年請的MT的表現，如果不是他親自挑選的話，他會懷疑去年請的和今日在座位上和他開會的，究竟是否同一個人。不單只是工作不主動、不積極、不認真、沒有交帶之外，待人接物的態度一樣好有問題，點止強差人意？我老友是個好好先生，都冇佢咁好氣，直接要求人事部處理。寧願冇人用，都不要一個無能用的人！

點解會咁？其實原因很簡單，就等如追女仔一樣，未追到手的時候幾慷慨幾有禮貌幾有風度都得，追到手結咗婚，就無需做戲，就顯露出真面目來了！我老友恍然大悟乖乖買單！講返今次行山事件，凸顯出的不是員工在家工作的機制的問題，是日後應該如何聘請MT的問題。銀行的未來棟樑成為了市場笑話，真正情何以堪。