HR質疑求職者串錯「自己個姓」 含冤搵網民訴苦：我真係姓Tsoi㗎！

HR質疑：你串錯姓氏

有打工仔在facebook專頁「奴工處」發文，指自己日前見工時，被人事部職員質疑「串錯自己姓氏」，令事主不禁懷疑「其實HR應該都幾熟啲英文姓氏串法？」，笑問有多少人不知道「蔡」的拼法「除咗Choi仲可以係Tsoi？」

帖文令一眾網民哭笑不得。在香港，姓氏「蔡」的拼法有幾種，有網民提及見過有人拼「Choy」、「Choi」，亦有人表示外國人的姓名拼法更出人意料：

• 「唔係掛，當佢遇到一個馬拉/新加坡嚟嘅candidate（求職者），我諗佢會懷疑人生。」
• 「我老細姓Chan. 中文姓曾..(新加玻人)。」
• 「緬甸印尼果啲仲難搞，啲人冇姓氏㗎。」
• 「有啲人以為阮一定係Yuen，香港有啲永久居民真係Nguyen」，引來其他網民回覆指是「越南人」。

有不少網民分享自己身邊關於姓氏拼寫的烏龍事：

• 「我個怡係yi，話我串錯，應該係yee先啱。」
• 「CHUI , TSUI，崔，徐，不過好多時俾人讀蔡。 」
• 「我姓魏Ngai，成日俾人改姓顏Ngan。」
• 「我tseung都可以係姓蔣廣告打黎都係搵『張』小姐。」
• 「記得以前讀書有個阿sir 姓劉，但英文係『 Law』，好奇一問，原來阿Sir父母唔識英文，去到辦出世紙時，登記嘅職員填寫時寫得太潦，『Lau』變咗『Law』。」
• 「我同事入機打英文姓係『Cheung』，中文打『陳』。」
• 「Chen，陳張程鄭都遇過。」
• 「Chin以為姓錢，但還是姓陳。」

有人認為該HR少見多怪：

• 「世界很大，唔識就虛心請教，自以為是的HR」
• 「咁證明依個HR 依生人做嘅公司人數唔係多，見得人名少」

有網民教路得體又不失禮貌的回應，「你咪微笑話：其實我都係跟出世紙寫。」

或者略帶諷刺口吻：

「哦，咁英文有好多拼音標準，例如國際拼音、羅馬拼音、韋氏拼音，唔知唔出奇嘅」

延伸閱讀：美國領事落區排隊買$30蚊兩餸飯 網民大讚揀呢幾味餸夠「貼地」！

延伸閱讀：公屋二派順天邨月租$2,040 港媽未心足仲想轉區：為我哋一家祈禱好嗎？