出錯糧好小事！盤點HR最誇張失誤：自薦跟進裝修報價 爛尾工程累公司賠80萬
廣告
打工仔在職場上犯錯難以避免，近日有名HR主動請纓跟進公司裝修工程，原本預算十多萬，由於HR疏忽大意，令公司最終埋單80萬。事件引來不少網民分享HR最誇張的失誤，包括出錯糧、碎錯畢業證書等。
HR令公司工程超預算
近日，有打工仔在連登討論區以「你地聽過HR返工最誇張既失誤係咩」為題發文，樓主分享指，在九龍灣一個甲級寫字樓，一位聲稱有裝修經驗的HR自薦跟進公司裝修工程，找了不同電工公司「格價」後，最終選擇一間報價最低、叫價僅10幾萬的公司。
然而，工程在後期檢驗出防火不及格，由於時間緊迫，公司迫於無奈聘請十幾名電工日夜不停開工「收爛尾」，最後合共花費80萬。
帖民引來網民熱討，有網民揶揄：「原來HR要識埋電工，唔怪得話自己係專業人士」。
網民齊呻：HR出錯糧！
此外，多位網民表示經歷過HR「出錯糧」：
- 「上個月出錯糧，出左兩次，應該係同新嚟嘅HR無溝通，即係連埋本身應有嘅(雙糧+BONUS) X2 咁出，叫啲員工FPS返個數畀佢」
- 「出錯糧＆bonus，但條女照升AM（Account Manager） 」
更有打工仔表示，工作半年以來，從未試過「出啱數」：
1.試過遲出糧（話無我acc資料）
2.遲出糧+扣多咗假錢（話同事寫錯咗我acc資料，睇錯contract扣多咗錢）
3.出多咗糧（自動轉帳完又過數比我）
4.發現出多咗就話係份糧扣但最後又無扣（但糧單又寫咗扣）
5.扣多左嘅錢三催四請先出返
6.未過proba應該未有勤工但又出咗（之後補出勤工個陣埋單個數一樣，但啲實際出嘅月份亂哂）
7.無通知下得我收唔到bonus，最後佢同我講係扣番出多既錢（但咁樣只會愈出愈亂，最後我直接過返成筆數比佢算）
帖文引來網民分享HR各式各樣的「烏龍」事件：
- 「吸左個ctc（Certified true copy 經核證副本）印落人地張degree cert度」
- 「唔小心碎咗candidate 啲cert」
- 「出錯offer，為面子唔會收返，最後請晒兩個」
- 「合約寫錯名、計錯假、放侍産假追人交病假紙、將成罐茶葉倒咗落咖啡機」
- 「試過入職時個HR係contract個basic salary度打多個零，不過最後臨簽之前俾佢大佬發現提佢改翻」
- 「send 咗紀錄公司所有人人工嘅excel 俾全公司員工」
- 「Mark錯同事生日，買埋蛋糕切埋食埋，個同事先同秘書講唔係今日生日」
- 「老細請食tea，咁搵HR 嗌老麥 ( 公司樓下對面有間），HR 同三個男同事落到去乜都無得拎，最後發現HR嗌咗自己屋企附近個間」
圖片來源：連登討論區、 unsplash@mimithian
