零針IT狗失業半年再搵工感徬徨 網民：太耐唔做嘢會怕同人接觸

空白半年+零針 樓主失信心

該網民以「[零針Ｘ] 原來不知不覺已經失業咗半年」為題在連登討論區發文，指：

「自從上一間公司谷針之後，我就失業到依家，呢半年一直咬緊儲蓄，諗住抖一段時間，同疫情鬥長命，等到年尾可能有改變先再搵工。原來不知不覺就年尾，已經準備12月，雖然呢半年真係好爽，啲時間完完全全屬於自己，但愈近2023年就愈嚟愈大壓力。」

樓主其後補充，自己從事是IT業寫code，上一份工辭職之後一直沒有搵工，由於儲蓄起碼頂到多一年，所以經濟壓力不算大，連整理CV也沒有動力，但有感不能夠再不找工作，問網民「空白咗半年+零針，係咪真係搵到工呢？」

網民：你呢啲叫放假唔係失業

貼文一出，即引來網民熱烈討論，有人安慰樓主指他的情況算是放假而不是失業，亦有人指疫情期間很多人都空白期幾年，加上IT行業是專業，說不定重新地CV很容易便可以找到工作，勉勵樓主加油：

• 「咁係放假啫，唔係失業，不過唔好放咁耐，個人會懶。」
• 「開始覺得有壓力咪試吓留意番/搵下工囉，話唔定好易搵到呢。」
• 「因為個濕Ｘ疫情，大把人空白幾年啦。」
• 「大把工返，弱者先要打針。巴打加油。」
• 「其實IT已經算易搵到，做地盤果啲直頭全行封殺，入都唔比入。」

網民：it狗大把工唔洗打針

此外，亦有網民分享自己或身邊朋友的相同經歷，指自己都是半年前辭職，但10月已搵到工，亦有人沒有打針依然成功轉工兼加人工，但亦有人提醒樓主若太耐不工作會變得怕與人接觸：

• 「有fd IT 0針都照轉到工，師兄加油。」
• 「都係半年前辭職，10月尾搵到份工，不過今日被通知唔過試用又失業。」
• 「以前有個朋友屋企人走咗，打擊太大五六年無做野清晒袋，太耐唔做嘢會好易怕同人接觸，加油。」
• 「it狗大把工唔洗打針，啲工多到，真有心搵唔洗一個月都冇新offer，利申：零針Ｘ， 8月先轉完工，近2年轉咗2次工前後加咗60%人工。」

延伸閱讀：30歲港女呻「月入6萬」男友已絕種 網民一句秒殺：你擔心時間值損耗先啦

延伸閱讀：美股反彈只屬曇花一現？大空頭發佈悲觀預測：熊市喺2023年繼續玩！