銀行客無奇不有 大嬸唱錢請後生男友去旅行
廣告
早兩日，同事傾開計，話遇到一對忘年戀客人。
同事：「X女士，好耐無見。今日有咩幫您？」
女士：「啊，我想同佢去旅行，唱定錢。」
同事望望佢身邊位有啲似偉仔嘅後生仔，就好順口話：「呢位一定係令公子喇！點稱呼啊？」
女士
🌚：「佢係我boyfriend。」
同事啞然
😨。
可幸，女士好睇得開，一笑置之，反而係個後生仔比較靦碘。
事後同事好感觸，認真mode話：「其實我真係完全唔介意女方身份地位收入高自己10倍。我完全無思想負擔。就算女方負責晒我生活開支，我都無問題，但點解我仲未遇到……」
我望住滔滔不絕嘅佢…同佢個車呔，心諗:
🌝挑，就憑你？
雖則大家花名都叫偉仔，但人哋後生版梁朝偉，你係分行曾志偉咋！
努力實踐而實現嘅，叫理想。
艱苦奮鬥才實現嘅，叫夢想。
完全無機會實現嘅，叫奢想。
文章授權：90後銀行小妹甩轆記
