返工搭車逾3小時｜呻大埔去南區無位坐、網民圍爐鬥慘:我每日西貢返東涌！
廣告
香港上班的交通工具雖多元化，不過若然遇上塞車，或者屋企附近沒有鐵路網絡覆蓋，返工隨時遇變成苦差。有網民表示在社交網站大吐苦水，表示返工來回時間需時3小時。車程隨時多過香港飛高雄。
繁忙時段東鐵頭等車卡滿座
一名自稱是「搭車都搭死」的網民在「奴工處」分享返工體驗。反問網友：「返工來回3個鐘嘅你到底係點捱？」
樓主解釋自身情況，指家住大埔，工作地點是港島南區。
首先由乘搭東鐵一刻，樓主已感覺進入煉獄。「每日逼90分鐘先返到公司，有時返到去都冇精神做嘢」
「每日搭車出東鐵有時走咗一班都等10分鐘。頭等又full到得返企位，而家仲要9卡。」
預早2小時出門口
樓主續說，由於公司不准許員工遲到，工作又不時要OT。故他會提前兩小時上班。「每日逼返公司再逼車返屋企。」同事住在公司附近，讓樓主感到羨慕。
「只要你夠窮，無野捱唔到」
帖文一出，引起海量網民共鳴，更出現「鬥慘情」的情況。有不少人表示來回上班時超過4小時，若過以一天8小時的工作制，搭車等如上班一半時間。亦有人表示為了搵食窮，點都要捱過長時間搭車的過程。
「我上水番柴灣，朝朝5點起身8點先番到屋企。」
責備樓主「唔捱得」
- 你有本事就搵過份工，這個世界係不公平
- 兩個撰擇，一係轉工，一係搬屋。
- 點捱？無左份工 又無錢洗果陣 你點都捱落去喇
- 如果唔洗照顧家人，份工唔洗ot ,一日翻10小時之內 ，其實應該可以承受到
更有網民提出「建議」，教導樓主如何消費時間。
- 當坐飛機
- 上吓YouTube 都到啦
- 去google play買書,下載廣東話語音(如果你聽得明普通話或睇慣英文書可慳番),合埋眼,開朗讀。
圖片來源：政府新聞處, unsplash@NordWood Themes
